Onderwysersgids - The Thunderbolt Kids

ONDERWYSERSNOTA
Verduidelik vir leerders dat die sketse mag verskil van die produk
wat hulle op die ou end gaan maak. Daar is verskeie redes
daarvoor, soos dat die materiaal nie so goed werk as wat hulle
beplan het nie, of dat hulle 'n beter idee gekry het. Dit is die eerste
keer wat leerders 'n kans kry om self te ontwerp en iets te maak;
hulle sal daarom baie van plan verander en deur die proses leer.
Hulle moenie gepenaliseer word omdat hulle iets verander nie -dit
is deel van die proses. Gebruik miskien eerder rofwerkpapier
waarop hulle kan eksperimenteer en verskillende ontwerpe kan teken.
Sodra hulle 'n ontwerp het waarmee hulle tevrede is, kan hulle dit
teken in die spasie wat voorsien is.
EVALUEER
Sodra jy 'n ontwerp het waarmee jy tevrede is, kan jy begin om jou
skuiling te maak. Ons gaan dit nie nou doen nie. Jy sal later in die
jaar kans kry om van die ontwerpe wat jy gemaak het, te bou.
Vir nou, gaan ons jou ontwerp evalueer. Dit beteken dat jy moet
besluit of jou produk die probleem wat jy aan die begin geidentifiseer
het, sal oplos.
Om dit te doen moet jy teruggaan na die probleem en die
volgende vrae beantwoord:
1. Het my ontwerp die probleem opgelos? Hoe?
2. Het ek by die spesifikasies en beperkinge gehou? (Vra die
vraag oor elkeen van jou spesifikasies)
3. As jy van die spesifikasies verander het, soos die grootte of die
materiale, waarom het jy dit gedoen?
4. Is daar enige manier waarop jy jou ontwerp kan verbeter?
Hoofstuk 5. Strukture vir diereskuilings
111