Onderwysersgids - The Thunderbolt Kids

3. Materiale gebruik om die voëlskuiling te maak.
Beperkinge
Sommige beperkinge vir jou voëlskuiling kan die volgende wees:
1. Die materiaal moet die weer, soos wind en reën, kan
weerstaan.
2. 'n Beperking kan selfs die feit dat jy dit in die klas moet
ontwerp en maak wees.
ONDERWYSERSNOTA
Onderwysers moet leerders aanmoedig om herwinde materiale te
gebruik. 'n Maklike ontwerp is om 'n voëlskuiling van herwinde 2
liter-sapbottels van plastiek te maak. Hulle kan tou deur 'n gaatjie in die
doppie druk en die bottel in 'n boom hang. Hulle maak dan gate in
die kante en steek 'n tappen deur vir die voëls om op te sit. Hulle
kan ook 'n klein klappie oop sny sodat die voëls kan ingaan sodat
daar spasie is om 'n nes te bou. Die klap moet omtrent 15 cm van
die onderkant wees. Hulle kan die bottels verf om saam te smelt
met die boom wat die habitat is sodat roofdiere dit nie kan sien nie.
Teken die ontwerp vir die voëlskuiling
In hierdie stap gaan jy 'n skets maak van hoe jy wil hê jou
voëlskuiling moet lyk. Jy gaan dalk 'n paar sketse maak totdat jy
besluit het watter ontwerp jy wil gebruik. Dit is 'n goeie idee om
rofwerkpapier daarvoor te gebruik. Maak byskrifte vir elke deel van
jou ontwerp en sê ook van watter materiaal elke deel gemaak is.
110 Lewe en Lewenswyse