inhoudsopgawe

EIENSKAPPE VAN POEIERS /
POEIERMENGSELS
LEEREENHEID 4
Dit behoort jou ongeveer 2 ure te neem om hierdie leergedeelte te voltooi en die
uitkomste te bereik.
Na voltooiing van hierdie leergedeelte moet jy in staat wees om:
1. Die fisiese eienskappe van farmaseutiese poeiers te kan noem en elke eienskap kortliks te
kan verduidelik in terme van die belang daarvan tydens doseervormontwerp.
2. Die metodes vir die bepaling van die verskillende fisiese eienskappe kortliks te kan bespreek,
in die laboratorium korrek en akkuraat te kan uitvoer, en die relevante verwerkings uit
eksperimentele data te kan doen en afleidings uit die resultate te kan maak.
3. Farmaseutiese poeiers / poeiermengsels kan klassifiseer op grond van hul fisiese eienskappe.
Die eienskappe van individuele poeiers in tabletmengsels / granules speel dikwels ʼn bepalende rol
in die gedrag van die mengsels en die eienskappe van die tablette wat uit die mengsels berei word.
Poeiers beskik oor bepaalde inherente eienskappe (veral deeltjievorm, deeltjiegrootte en
deeltjiegrootteverspreiding, en ook saampersbaarheid), terwyl bepaalde eienskappe wat hulle
openbaar die gevolg is van hul inherente eienskappe (waaronder digtheid, vloeibaarheid, porositeit,
“bulkiness”, ens. belangrik is).
73