inhoudsopgawe

LEEREENHEID 4
OPMERKING/STELLING: Die gewildheid van die orale roete word weerspieël in die feit dat
meer as 75% van alle geneesmiddels in doseervorme geskik vir orale toediening beskikbaar is (in
vergelyking met 13% via die parenterale roete). Hierdie gewildheid van die orale roete kan
toegespkryf word aan „n groot verskeidenheid faktore, waarvan gemak van dosering (geen
gespesialiseerde hulp nodig nie) en gevolglike pasiëntmeewerkendheid, waarskynlik die
belangrikste is. Aangesien die verkryging van „n sistemiese effek waarskynlik, in die meeste
gevalle, die oogmerk met orale geneeesmiddelterapie is, speel absorpsie uit die die SVK defnitief
die belangrikste rol in die uiteindelik sukses van die terapie.
1. Noem/bespreek die verskillende tipes vaste doseervorme beskikbaar vir die toediening van
geneesmiddels via die orale roete.
2. Noem/bespreek die redes vir die gewildheid van tablette as doseervorm.
3. Noem/bespreek die nadele of beperkings van tablette as doseervorm.
4. Verduidelik die term “eenheidsdoseervorm” en onderskei (met voorbeelde) tussen hierdie tipe
doseervorme en ander doseervorme.
5. Noem die verskillende tipes tablette wat beskikbaar is vir geneesmiddelaflewering via die orale
roete. Vind definisies in die BP of USP van verskillende tipes tablette wat in die farmakopeë
beskryf word. Gee vervolgens redes vir die vervaardiging van elkeen van hierdie verskillende
tipes tablette.
6. Gebruik jou kennis uit die vorige leereenheid rakende preformulering en noem/bespreek die
faktore (spesifiek geneesmiddeleienskappe) wat ʼn rol sal speel in die keuse van orale vaste
doseervorme as afleweringsisteem vir geneesmiddels.
7. Verduidelik hoe geneesmiddeleienskappe die besluit of ʼn orale vloeibare doseervorm of ʼn
orale vaste doseervorm die geskikste keuse sal wees, kan beïnvloed.
63