inhoudsopgawe

LEEREENHEID 4
60
6. Inligting en advies aan die pasiënt en ander lede van die gesondheidspan te kan verskaf
rakende die korrekte gebruik (hantering) en bewaring van die verskillende orale vaste
doseervorme ten einde die kwaliteit (veiligheid, effektiwiteit en stabiliteit) daarvan te verseker
en te behou.
7. In die korrekte vaktaal (met gebruik van die relevante vakterminologie) met kollegas en ander
lede van die gesondheidspan oor relevante onderwerpe te kan kommunikeer.
Die orael roete is vandag nog steeds die gewildste roete vir geneesmiddelaflewering/toediening as
gevolg van redes soos gemak van toediening (geen gespesialiseerde toerusting of professionele
hulp word benodog nie, en die beskikbaarheid van „n wye verskeidenhied doseervorme wat
beskikbaar is vir dié roete.
Doseervorme geassosieer met die roete kan in twee hoofgroepe verdeel word, naamlik vloeibare
doseervorme (soos oplossings, strope, suspensies en emulsies) en vaste doseervorme (soos
poeiers, granules, tablette en kapsules). Hierdie module fokus spesifiek op vaste doseervorme,
waarvan tablette (in gebruik sedert 1843) vandag steeds die gewildste afleweringsisteem
(dosservorm) vir geneesmiddels is. Verskillende redes dra by tot die gewildheid van spesifiek orale
vaste doseervorme, soos die feit dat dit „n eenheidsdoseervorm is en dat dit uiters geskik is vir hoë-
spoed vervaardiging op industriële skaal.
Die keuse van die orale roete vir geneesmiddelaflewering/toediening word egter beperk deur
sekere oorwegings en faktore wat spesifiek verband hou met die roete en die eienskappe van die
geneesmiddel. Alhoewel die roete steeds baie gewild is, hou dit bepaalde uitdagings in vir die
formuleerder en vereis dit bepaalde eienskappe in terme van beide die geneesmiddel en die
doseervorm. Die suksesvolle ontwerp en vervaardiging van vaste doseervorme vereis „n deeglike
kennis van die fisiologie en anatomie van die roete (en die verskilledne absorpsie-areas) asook die
effek daarvan op gneesmiddelabsorpsie.
Die studiemateriaal vir hierdie leereenheid kan gevind word in:
LB, 5:104-213.
AULTON, 31:441-481.
BP/USP.