inhoudsopgawe

LEEREENHEID 3
Ten einde die rakleeftyd (en vervaldatum) van medisyne te kan bepaal, moet die afbraak van die
geneesmiddel gekwantifiseer word, m.a.w. die afbraaktempo van die geneesmiddel moet bepaal
word (dus hoe lank dit sal duur vir die geneesmiddel om van vlak A tot by vlak B te daal).
Chemiese kinetika is die studie van die tempo waarteen chemiese reaksies plaasvind. Kinetiese
studies is van besondere belang, aangesien dit (i) lig werp op die meganismes waarvolgens
chemiese veranderinge plaasvind en (ii) die voorspelling van die graad van veranderinge wat
plaasvind moontlik maak.
44
Eerste-orde reaksies
Bestudeer die onderstaande studiemateriaal aandagtig en voltooi dan die daaropvolgende
leeraktiwiteite:
LB, 4:76-82.
AULTON, 7:99-101.
OPMERKING/STELLING:-Kinetiese reaksievergelykings kan gebruik word om die tempo van
geneesmiddelafbraak te kwantifiseer (‘n waarde daaraan te koppel). Kennis oor die tempo van
geneesmiddelafbraak (aangedui deur ‘n afbraaktempokonstante) stel produkformuleerders instaat
om die korrekte bewaringskodisies vir medisyne te vind waaronder produkte die maksimale
rakleeftyd sal lewer.
1. Omskryf die term “orde” van ʼn chemiese reaksie. [AULT, p.100]
2. Verduidelik eerste-orde reaksies aan die hand van die volgende punte: [AULT, pp.100-101]
a. Grafiese voorstelling van verloop (konsentrasie as funksie vantyd)
b. Tempovergelyking (met k as onderwerp en verklaring van ander simbole)
c. Verband tussen tempo van reaksie en geneesmiddelkonsentrasie
d. Eenheid van tempokonstante