inhoudsopgawe

LEEREENHEID 3
GENEESMIDDELSTABILITEIT, RAKLEEFTYD
EN VERVALDATUMS
Dit behoort jou ongeveer 1 uur te neem om hierdie leergedeelte te voltooi en die
uitkomste te bereik.
Na voltooiing van hierdie leergedeelte moet jy instaat wees om:
1. die konsep (en belang) van die rakleeftyd en vervaldatum van medisyne te kan
bespreek/verduidelik.
2. die rol van verpakkings/verpakkingsmateriale van en bewaring/bewaringstoestande vir
medisyne op die stabiliteit (van geneesmiddels en medisyne) en die rakleeftyd/vervaldatum
van medisyne kan verduidelik.
3. die oorsake (en gevolge) van die verskillende tipes fisiese en chemiese onstabiliteite in
medisyne te kan noem/bespreek.
4. die verskillende chemiese afbraakmeganismes van geneesmiddels kan noem/bespreek en
voorbeelde van geneesmiddelgroepe kan noem wat vatbaar is vir elke afbraakmeganisme;
5. metodes om geneesmiddels/medisyne teen die verskillende afbraakmeganismes te beskerm
kan bespreek.
Stabiliteit is een van die vernaamste kwaliteitskenmerke (en vereistes) van medisyne, aangesien
dit beide die effektiwiteit van die produk en die veiligheid van die verbruiker (pasiënt) beïnvloed.
Enige mensgemaakte produk is onderhewig aan verval. Geen geneesmiddel of medisyne bly dus
onbepaald stabiel nie, maar vertoon een of ander vorm van agteruitgang met veroudering. Hierdie
39