inhoudsopgawe

LEEREENHEID 2
Bewaringsvereistes sluit in beide die kondisies (toestande) waaronder die medisyne bewaar moet
word, asook die tipe houer waarin dit gestoor moet word. Biologiese produkte (sluit in: vaksines vir
immunisering, antibiotika, hormone, ens.) is uiters sensitief vir ekstreme temperature en
blootstelling aan hitte of vriesing kan lei tot deaktivering van hierdie produkte. Die produkte moet
regdeur hul rakleeftyd by lae temperature (dus in ʼn yskas) bewaar word, terwyl daar dikwels ook
voorkom moet word dat die produkte gevries word. Die bewaringstoestande (insluitend tydens
vervoer na apteke, hospitale en klinieke en berging tot en met gebruik) vereis dus spesiale
voorsorgmaatreëls. Sodanige hantering van die tipe produkte staan bekend as die koue-ketting
(“cold-chain”).
Dit is die apteker se plig om pasiënte in te lig oor die bewaringsvereistes vir bepaalde produkte, en
om hul attent te maak op die potensiële gevare van afwyking van die voorgeskrewe
bewaringsvereistes en -toestande.
Bestudeer die onderstaande studiemateriaal aandagtig en voltooi dan die daaropvolgende
leeraktiwiteite:
LB, 3:62-72.
BP/USP.
OPMERKING/STELLING:- Die korrekte bewaring van medisyne speel net so ‘n belangrike rol in die
behoud van die stabiliteit, integriteit en veiligheid van medisyne as die noukeurige formulering,
vervaardiging en verpakking daarvan. Die rakleeftyd en vervaldatum van medisyne is direk
gekoppel aan die bewaring van die medisyne by die korrekte toestande tydens die volle rakleeftyd
van die produkte.
1. Verduidelik waarom die korrekte (aanbevole) bewaringskondisies van medisyne belangrik en
noodsaaklik is.
2. Verduidelik wat word met die volgende bewaringstoestande bedoel:
a. “beskerm teen oormatige hitte”;
b. “bewaar in ʼn koel omgewing”;
33