inhoudsopgawe

LEEREENHEID 2
28
8. Die konsep van die “koue-ketting” hantering van medisyne verstaan, die regulasies
daaromtrent ken en dit in die praktyk kan toepas.
Die verpakking van medisyne en die toestande waaronder medisyne bewaar word, vorm net so ʼn
belangrike en integrale deel van die kwaliteit van die produk as die ontwerp, formulering en
vervaardiging daarvan. Die rakleeftyd en vervaldatum van medisyne (wat in leereenheid 3
bespreek word) is gekoppel aan (hou verband met) die verpakking van die produk en die
voorgeskrewe toestande waaronder dit bewaar moet word. Dus, indien die produk uit sy
oorspronklike verpakking verwyder word en/of nie onder die voorgeskrewe toestande bewaar word
nie, is die toegekende rakleeftyd nie meer noodwendig geldig nie. Dit is dus beide die apteker en
verbruiker (pasiënt) se verantwoordelikheid om toe te sien dat die produk in die korrekte
verpakking gehou en by die korrekte toestande bewaar word ten einde die kwaliteit (veiligheid,
effektiwiteit en stabiliteit) van die produk vir die volle rakleeftyd te verseker.
Die studiemateriaal vir hierdie leereenheid kom voor in:
LB, 3:59-72.
AULTON, 42:626-639.
BP/USP.