inhoudsopgawe

LEEREENHEID 1
maar dit is egter noodsaaklik dat jy die ineenskakeling van verskillende vakterreine tydens
produkontwerp en produkformulering moet kan raaksien. Sommige onderwerpe sal ook later in
hierdie module (volgende leereenhede) aandag kry.
ʼn Oorsigtelike begrip van watter eienskappe van die geneesmiddel bekend moet wees voordat
formulering gedoen kan word, en hoe hierdie inligting kan help om die geskikste doseervorm te
kies, is belangriker as detail kennis. Dit mag ook moontlik wees dat sommige van die inligting in
die hoofstuk gebou is op die veronderstelling dat jy reeds ʼn voorkennis het van sekere ander
grondbeginsels. Indien jy voel dat jy nie oor die basiese agtergrondkennis oor bepaalde
onderwerpe beskik nie, sal dit nodig (en noodsaaklik) wees om hierdie agtergrondinligting weer op
te skerp. Die meeste van die basiese agtergrondkennis waarop gebou word, word in ander
hoofstukke in die handboek behandel (met verwysings daarna in die teks). Indien jy sekere van
hierdie grondbeginsels nie verstaan nie, is dit jou plig om my daaromtrent te vra sodat ons weer
vinnig ʼn “verfrissingslesing” daaroor kan inwerk.
Spesifieke onderwerpe wat jy reeds mee te doen gekry het (en dus ʼn basiese kennis en begrip oor
moet hê) sluit in:
Die konsep van swak elektroliete (swak sure en basisse) en die invloed van pH op hul
oplosbaarheid;
Soutvorming;
Die konsep van dissolusie;
Die basiese beginsels van geneesmiddelabsorpsie (veral uit die SVK) en die invloed van die
fisiese en chemiese eienskappe van die geneesmiddel op dié proses.
Onthou asseblief, hierdie leerafdeling vorm die basis van leerafdeling 2 (Ontwerp, formulering,
vervaardiging en toetsing van orale vaste doseervorme), terwyl jy ook in FMSG321, FMSG411 en
FMSG422 weer met aspekte hiervan te doen gaan kry. Maak dus seker dat jy die nodige kennis
nou reeds vaslê – dit gaan jou beslis later handig te pas kom.
15