inhoudsopgawe

ALGEMENE INLIGTING
WAARSKUWING TEEN PLAGIAAT
WERKSTUKKE IS INDIVIDUELE TAKE EN NIE GROEPAKTIWITEITE NIE (TENSY DIT
UITDRUKLIK AANGEDUI WORD AS ‘N GROEPAKTIWITEIT)
Kopiëring van teks van ander studente of uit ander bronne (byvoorbeeld die studiegids,
voorgeskrewe studiemateriaal of direk vanaf die Internet) is ontoelaatbaar – net kort aanhalings is
toelaatbaar en slegs indien dit as sodanig aangedui word.
Jy moet bestaande teks herformuleer en jou eie woorde gebruik om te verduidelik wat jy gelees
het. Dit is nie aanvaarbaar om bestaande teks/stof/inligting bloot oor te tik en die bron in 'n
voetnoot te erken nie – jy behoort in staat te wees om die idee of begrip/konsep weer te gee
sonder om die oorspronklike skrywer woordeliks te herhaal.
Die doel van die opdragte is nie die blote weergee van bestaande materiaal/stof nie, maar om vas
te stel of jy oor die vermoë beskik om bestaande tekste te integreer, om jou eie interpretasie en/of
kritiese beoordeling te formuleer en om 'n kreatiewe oplossing vir bestaande probleme te bied.
Wees gewaarsku: Studente wat gekopieerde teks indien sal 'n nulpunt vir die opdrag
ontvang en dissiplinêre stappe mag deur die Fakulteit en/of die Universiteit teen sodanige
studente geneem word. Dit is ook onaanvaarbaar om iemand anders se werk vir hulle te
doen of iemand anders in staat te stel om jou werk te kopieer – moet dus nie jou werk
uitleen of beskikbaar stel aan ander nie!
BELANGRIK:
Van Farmasiestudente word verwag om ten alle tye die grootste mate van eerlikheid,
integriteit en professionaliteit te toon. Die Skool vir Farmasie beskou enige vorm van
akademiese oneerlikheid in ‘n baie ernstige lig, en enige student wat hom/haar skuldig maak
aan enige sodanige oneerlikheid sal dissiplinêr verhoor word, met ‘n aanbeveling van die
Skool dat sodanige student geskors word uit die betrokke program. Verder sal die Skool
die Suid-Afrikaanse Aptekersraad (waarby studente vanaf hulle tweede studiejaar as
aptekerstudente geregistreer is) versoek om die betrokke student van die
aptekerstudenterol te skrap, met die implikasie dat dié student nie weer Farmasie aan enige
Universiteit in Suid-Afrika sal mag studeer nie!!!!
xxiv