inhoudsopgawe

ALGEMENE INLIGTING
xxii
Analiseer vereis dat die komplekse samestellings (bv. van ʼn probleem) afgebreek word na die
individuele komponente van die geheel en dat vasgestel word hoe die dele verband hou. Dit
vereis dat belangrike / relevante dele van die minder belangrike onderskei word en vasgestel
word hoe die elemente binne die struktuur pas / funksioneer.
EVALUEER (kontroleer / toets / beoordeel / kritiseer):
Aksiewerkwoorde: Evalueer / skryf kritiese aantekeninge oor / motiveer / gee jou opinie oor.
Evaluering beteken om standpunte, stellings, uitsprake, oplossings vir probleme, metodes, ens.
volgens sekere kriteria, beginsels, standaarde, ens. beoordeel moet word. Die oordeel kan
kwalitatief of kwantitatief wees en die kriteria kan persoonlik of gestandaardiseerd wees. Jy
moet dus ʼn saak of standpunt analiseer / ontleed en/of die effektiwiteit van ʼn proses /
prosedure / sisteem / metode ontleed en aan bepaalde kriteria meet en ʼn gemotiveerde
uitspraak lewer.
SKEP (sintetiseer / genereer / beplan / produseer):
Aksiewerkwoorde: Formuleer ’n oplossing vir / stel ’n program saam / bied oplossings vir /
interpreteer / formuleer ’n hipotese vir / analiseer / gee ’n samevatting van.
Skep (van nuwe kennis) beteken om elemente saam te voeg om „n nuwe geheel te vorm.
Sintetisering vereis die integrasie van individuele elemente / dele tot ‟n nuwe betekenisvolle
geheel. Die klem is op kreatiwiteit, oorspronklikheid en die vermoë om te beplan, organiseer
en formuleer. Dit beteken ook om vorendag te kom met nuwe / alternatiewe hipoteses
gebaseer op kriteria; die ontwikkeling van ‟n prosedure om ‟n sekere taak uit te voer en/of die
ontwerp van ‟n program / produk.
In die tabel (op volgende bladsy) word aksiewerkwoorde verskaf wat gebruik kan word om elke tipe
kennis (op die verskillende kognitiewe vlakke) te toets en voorbeelde van vrae wat in
leeraktiwiteite, assesserings en eksamens kan voorkom.