inhoudsopgawe

Jou toelating tot die eksamen in FMSG311 berus dus op twee aspekte, naamlik:
die opbou van ‟n deelnamepunt van ten minste 40% en
die verwerwing van ‟n deelnamebewys.
ALGEMENE INLIGTING
Toelating tot die eksamen geskied deur die verwerwing van ‟n deelnamebewys wat deur die
Skooldirekteur, in oorleg met die betrokke vakgroepvoorsitter en modulekoördineerder, uitgereik
word. Hierdie deelnamebewys word toegeken met inagneming van jou deelnamepunt en
algemene deelname aan kontaksessies (klasbyeenkomste), tutoriale, uitvoer van opdragte en
laboratoriumwerk. Dit impliseer dat, ongeag jou deelnamepunt (al is dit bokant 40%), jy steeds
eksamentoelating vir hierdie module geweier kan word op grond van swak of onbevredigende
deelname aan alle aktiwiteite wat verband hou met die module (insluitend swak / ongereelde
klasbywoning, afwesigheid van praktiese sessies, ens).
By implikasie beteken bogenoemde dus dat jy nie noodwendig eksamentoelating geweier sal word
indien jy nie ʼn minimum deelnamepunt van 40% opgebou het nie, maar dat jy ook nie noodwendig
tot die eksamengeleenthede toegelaat sal word indien jy wel die vereiste deelnamepunt behaal het
nie, maar in gebreke gebly het om jou deelname aan die aktiwiteite in die module tydens die
semester te bewys.
Afwesigheid van eksamen(s)
Geen verskoning vir afwesigheid van ʼn eksamengeleentheid word vereis nie. Volgens die A-reëls
kry jy twee eksamengeleenthede vir elke module. Indien jy nie die eerste eksamengeleentheid
benut nie, kwalifiseer jy vir die tweede geleentheid (mits jy aan die toelatingsvereistes voldoen).
Indien jy nie die tweede eksamengeleentheid benut nie of weer nie aan die slaagvereistes voldoen
nie (d.i. ʼn modulepunt van 50% en ʼn eksamen subminimum van 40%), moet jy die module herhaal
(d.w.s. weer aan alle aktiwiteite deelneem om ʼn deelnamebewys te verwerf). Indien jy wel die
eerste eksamengeleentheid benut het, kan jy steeds van die tweede geleentheid gebruik maak
indien jy nie aanvanklik geslaag het nie, of indien jy voel dat jy jou modulepunt kan verbeter.
Indien jy van die tweede eksamengeleentheid gebruik maak om jou modulepunt te verbeter, geld
die eksamenpunt van die tweede geleentheid, ongeag of dit beter of swakker was as jou punt vir
die eerste eksamengeleentheid.
xix