inhoudsopgawe

ALGEMENE INLIGTING
Hierdie assesserings sluit nie die assesserings in wat gedurende laboratoriumsessies plaasvind
nie.
Afwesigheid van assesserings
Verskonings vir afwesigheid van enige geskeduleerde, formatiewe assessering moet binne 3 dae
(72 uur) na aflegging van die betrokke evaluering by die vakgroep se sekretaresse ingehandig
word. Geen dokumentasie wat laat ingehandig word, sal aanvaar word nie. Slegs geldige
mediese sertifikate vir siekte of dood in die familie sal as geldige verskonings oorweeg word.
Afwesigheid van „n assessering sonder „n “geldige verskoning” het die gevolg dat „n nulpunt (0) vir
die betrokke assessering toegeken word.
Rakende „n besluit van die Skool vir Farmasie in 2012, word slegs een geldige verskoning per
module aanvaar (ten einde te verhoed dat studente meerdere verskonings in die vorm van
mediese sertifikate aanbied wat dit uiteindelik onmoontlik maak om „n betroubare deelnamepunt vir
studente te bereken). DUS: Geldige punte vir ‘n minimum van 3 (drie) formatiewe
assesserings word vereis ten einde ‘n geldige deelnamebewys te verkry met die oog op
eksamentoelating.
Die dosent het die volgende keuses in die geval waar jy „n “geldige verskoning” aanbied vir „n
assessering:
Om jou vry te stel van die assessering (m.a.w. die betrokke assessering se punt word nie in
xviii
berekening gebring by die bepaling van jou deelnamepunt nie); of
Om vir jou „n hertoets te gee (skriftelik of mondelings); of
Van jou te verwag om „n opdrag in te handig wat handel oor die studiemateriaal van die
betrokke assessering.
SLAAGVEREISTES VIR DIE MODULE
Jy slaag die module indien jy ʼn modulepunt van 50% behaal het met ʼn subminimum van 40% in
die eksamen. Jy slaag die module met onderskeiding indien jou modulepunt 75% is.
EKSAMEN
Gedurende die Junie-eksamensessie (eerste eksamengeleentheid vir FMSG311) skryf jy een 3-uur
vraestel (maks. 100 punte) oor al die werk in hierdie module. Gedurende die tweede
eksamengeleentheid (die laaste week van die winterreses en/of eerste week van die tweede
semester) het jy ‟n tweede geleentheid vir FMSG311 (sien “Afwesigheid van eksamen” hieronder).
Toelating tot die eksamen(s)
Volgens die reëls van die Noordwes-Universiteit word toelating tot die eksamengeleenthede
toegestaan indien jy ‟n deelnamepunt van ten minste 40% deur die semester opgebou het EN
indien jy oor ʼn geldige deelnamebewys beskik.