inhoudsopgawe

ALGEMENE INLIGTING
8. Tydens die beantwoording van ʼn vraag is die “waarom?” (motivering) altyd belangriker as die
“wat”.
9. Jy moet my oortuig dat jy die vraag korrek en volledig kan beantwoord. Halwe waarhede en
onduidelike / vae antwoorde gaan nie help nie. Ek wil nie wonder of jy die studiemateriaal
bemeester en die uitkomste bereik het nie, jy moet dit vir my bewys deur goed gedefinieerde,
wetenskaplik korrekte antwoorde en logiese beredenerings.
BYWONING VAN KONTAKSESSIES
Aangesien kontaksessies in hierdie module gespreksgeleenthede is, word daar dus van jou verwag
om hierdie sessies gereeld by te woon en aan die aktiwiteite tydens die sessies deel te neem.
Afwesigheid van enige formele, geskeduleerde kontaksessie (insluitend enige laboratoriumsessie)
kan lei tot weiering tot eksamentoelating, ongeag jou deelnamepunt (sien afdeling “Toelating tot
eksamen(s)” op p.xviii).
SAMESTELLING EN BEREKENING VAN DEELNAME- EN
MODULEPUNT
Jou modulepunt (finale punt) word saamgestel uit ‟n deelnamepunt en ‟n eksamenpunt:
Modulepunt = Deelnamepunt (50%) + Eksamenpunt (50%)
Let asseblief op die belang van jou deelnamepunt, aangesien dit 50% van jou modulepunt uitmaak.
Dit is daarom noodsaaklik dat jy deurlopend moet werk en om ‟n goeie deelnamepunt op te bou ten
einde druk van jou af te haal gedurende die eksamen.
Jou deelnamepunt vir hierdie module word saamgestel uit die volgende afsonderlike
puntedraende (formatiewe) assesserings:
Formatiewe assesserings (maks. 4) 70%
Klasbywoning / Klasopdragte 10%
Laboratoriumwerk 20%
Let daarop dat die leerinhoud geïntegreerd aangebied en geassesseer word, ongeag of die leerstof
in ‟n “teorieklas” of laboratorium aangebied/behandel is. Die uitkomste van die leerstof bepaal
egter dikwels die wyse van aanbieding (hetsy teoreties of prakties).
ASSESSERINGS
Assesserings het ʼn tweevoudige aard, naamlik deurlopend (formatief) en summatief (finaal). Deur
die loop van die semester sal ‟n maksimum van 4 formatiewe assesserings geskryf word (sien
werkprogram op p.x), asook een summatiewe assessering, naamlik die semestereksamen. Die
punte van AL die formatiewe assesserings sal bydra tot die berekening van jou
deelnamepunt (sien afdeling “Samestelling en berekening van deelname- en modulepunt” hierbo).
xvii