inhoudsopgawe

ALGEMENE INLIGTING
5. Maak notas van studiemateriaal/begrippe/meganismes/berekeninge/ens. wat jy nie verstaan
xvi
nie. Hierdie probleme/vrae moet jy saambring na die kontakgeleenthede sodat dit daar
bespreek en opgelos kan word.
6. Nadat jy deur die leeraktiwiteite van ʼn leereenheid gewerk het en seker is dat jy die
leereenheiduitkomste kan bereik, kan jy jouself toets aan die hand van die selfevalueringsvrae
(aan die einde van die studiegids). Indien daar van die vrae is wat jy nie kan beantwoord nie,
gaan weer terug na die studiemateriaal en werk weer deur dié betrokke gedeelte.
7. Moet nooit studiemateriaal leer/memoriseer as jy dit nie verstaan nie. ONTHOU: Kennis
sonder begrip/insig is nutteloos en jy gaan dit baie gou vergeet of verkeerd weergee!!!
8. Aangesien baie leereenhede op die voriges bou, is dit noodsaaklik dat jy die studiemateriaal
van ʼn vorige gedeelte deeglik bemeester het voordat jy aangaan na ʼn volgende gedeelte.
9. VRA as jy nie verstaan nie, en VRA WEER as jy nog nie verstaan nie. As jy nie vra nie, sal ek
nie weet as jy nie verstaan nie, dus VRA, VRA en VRA weer!!!!!!
10. Gedurende jou voorbereiding vir assesserings en eksamens kan jy gerus deur vorige jare se
vraestelle (toetse en eksamens) werk. Jy moet hierdie bronne gebruik (beantwoord) om jou
kennis en insig te toets, en nie asof jy die vraestel gaan kry nie.
Assesseringswenke
Aangesien die module daarop gerig is om jy te help om kennis tot insig te verwerk en jou met
vaardighede en begrip toe te rus om ʼn diens te kan lewer, moet jy besef dat assesserings
hoofsaaklik daarop gemik sal wees om jou insig en begrip te toets eerder as net parate kennis.
Berei jou dus sodanig voor om tydens assesserings getoets te word aan die hand van
aksiewerkwoorde soos “verduidelik”, “bespreek”, “vergelyk”, “bewys”, “evalueer” en “ontleed”
eerder as “noem” (maak dus seker dat jy presies weet wat met elkeen van hierdie
aksiewerkwoorde bedoel word – sien pp.xxi-xxiii).
1. Deeglike uiteensetting van vrae is belangrik - dit beteken dat jy by die begin en ʼn logiese, goed
beredeneerde lyn volg en nie rondspring nie. (Pasop dat jy jou nie weerspreek nie!)
2. Die weergee van feite is meestal nie voldoende nie, maar moet aangevul word met deeglike en
relevante motiverings.
3. Gebruik die korrekte terminologie en skryf in wetenskaplike taal.
4. Tydens die beantwoording van besprekingsvrae, word punte nie noodwendig toegeken vir die
klakkelose weergee van feite nie, maar eerder vir bewys dat jy die vraag in die regte konteks
kan beantwoord.
5. Baie woorde beteken nie noodwendig baie punte nie.
6. Slordige, deurmekaar geskryf skep die indruk dat jy nie verstaan wat gevra word nie. Ek wil
nie raai wat jy geskryf het nie, ek wil dit lees. Dit beteken nie dat jy mooi hoef te skryf nie, net
duidelik.
7. Moet asseblief nooit Afrikaans en Engels deurmekaar skryf nie!!!! Dit is heeltemal binne jou
reg om ʼn vraestel in Engels te beantwoord, maar dan is jou hele antwoordstel in Engels.