inhoudsopgawe

ALGEMENE INLIGTING
Jou voorbereiding vir die kontakgeleenthede behels bestudering van die aangeduide
studiemateriaal gevolg deur die deurwerk van die leeraktiwiteite van ‟n betrokke afdeling /
onderwerp binne die betrokke leereenheid. Tydens jou voorbereiding (wat ongeveer 45 - 60
minute vir ‟n kontaksessie behoort te duur) moet jy seker maak dat jy die studiemateriaal
aandagtig deurlees (aan die hand van die uitkomste vir die betrokke leereenheid en/of
leergedeelte. Maak aantekeninge van enige gedeeltes van die leerstof waarmee jy sukkel of
wat jy nie verstaan nie, en bring jou vrae saam na die volgende kontakgeleentheid.
Tydens die kontakgeleenthede sal jou vrae en probleme bespreek en toegelig word.
Kontaksessies sal verder ook gebruik word om te bepaal of jy wel die werk bemeester het en of
jy wel voorberei het (deur voorbereidingstoetse, vrae aan individuele studente,
probleemoplossing, bepaling van jou vermoë om kennis te kan toepas, toetsing van jou insig in
die werk, ens.).
Na afloop van „n kontakgeleentheid (en voor die volgende kontaksessie moet jy deur die
leeraktiwiteite werk, en dit so volledig as moontlik voltooi (dit sal beteken dat jy weer die
stusdiemateriaal moet deurwerk om die vrae in die aktiwiteite te kan beantwoord). Hierdie
leeraktiwiteite is gerig daarop om jou te help om die leereenheiduitkomste (aan die begin van
elke leereenheid en leergedeelte) te bemeester. Enige probleme met leeraktiwiteite en enige
onduidelikhede moet aangeteken word vir bespreking tydens die volgende kontaksessie.
Bywoning van kontaksessies is noodsaaklik en baie belangrik. Jou teenwoordigheid by
kontaksessies sal gereeld gekontroleer word. Vir meer inligting hieroor sien afdeling
“Bywoning van kontaksessies” op p.xvii.
Studiewenke vir hierdie module
Die volgende studiewyse is slegs ‟n voorstel vir studie in hierdie module, maar wat heel
waarskynlik deur die meeste studente suksesvol toegepas kan word. ONTHOU: Jy het teen
hierdie tyd sekerlik reeds bestaande studiemetodes aangeleer/toegepas wat tot dusver goed vir jou
gewerk het. Integreer hierdie metodes met die volgende voorstelle.
1. Bestudeer eers die leeruitkomste aandagtig sodat jy weet wat jy met jou voorbereiding moet
bereik.
2. Lees die studiemateriaal eenmaal aandagtig deur om ‟n geheelbeeld te verkry (hou heeltyd die
uitkomste in gedagte) en maak kernaantekeninge/notas oor die belangrikste aspekte in die
studiemateriaal. Moenie bang wees om in jou handboek te onderstreep en notas te maak nie.
[Jy sal dit dalk ook handig vind om boekmerke (“tags”) in jou handboek aan te bring sodat jy
vinnig inligting oor ‟n bepaalde onderwerp kan vind.]
3. Gebruik die leeraktiwiteite en werk dan weer noukeurig deur die studiemateriaal om die
antwoorde op die vrae te verkry. (Tydens die deurwerk van die leeraktiwiteite, let veral op na
die aksiewerkwoorde [sien afdeling “Aksiewerkwoorde” op pp.xxi-xxiii]).
4. Maak vir jou verstaanbare en korrekte (en volledige) opsommings in jou eie woorde. Dit gaan
jou later baie help as dit kom by voorbereiding vir assesserings en die eksamen.
xv