inhoudsopgawe

ALGEMENE INLIGTING
PROGRAM-UITKOMSTE
Na suksesvolle voltooiing van die B.Pharm.-program sal jy in staat wees om:
1. individueel, of as deel van ‟n span, die ontwikkeling, toetsing, vervaardiging, toebereiding en
xii
verpakking van farmaseutiese produkte te onderneem, beheer, organiseer en kontroleer.
2. ʼn onmisbare en aanvaarde skakel in die gesondheidspan te wees deur as voorsiener van
koste-effektiewe en doeltreffende farmaseutiese dienste op te tree tot bevrediging van die
gemeenskap deur:
2.1 voorgeskrewe medisyne te resepteer en die optimale gebruik daarvan te verseker deur
beheer, kontrole en advieslewering aan die pasiënt en gesondheidsprofessies;
2.2 apteker-geïnisieerde sorg aan die pasiënt te verskaf en die optimale gebruik van
medisyne te verseker;
2.3 opvoeding oor gesondheidsorg en medisyne te verskaf;
2.4 gemeenskapsgesondheid te bevorder en verbandhoudende inligting te verskaf.
3. met ‟n gesindheid van altruïsme en sin vir verantwoordelikheid en empatie, diens aan jou
medemens te lewer.
4. probleme in die praktyk selfstandig met behulp van toepaslike literatuur, parate kennis en
laboratoriumtegnieke te identifiseer, evalueer, formuleer en innoverend en kreatief op te los.
5. die vermoë en motivering te hê om jou wetenskaplike en professionele kennis, vaardighede en
vermoëns voortdurend te ontwikkel en ‟n lewenslange student te wees ten einde die professie
op ‟n hoë vlak van bevoegdheid te bly beoefen.
MODULE UITKOMSTE
Na voltooiing van dié module moet jy die volgende kan demonstreer:
1. ʼn werkbare kennis van die basiese beginsels betrokke by die ontwerp en ontwikkeling
(formulering, vervaardiging, verpakking, toetsing, bewaring en gebruik) van medisyne in die
algemeen en orale vaste doseervorme spesifiek met spesifieke verwysing na die invloed van
fisies-chemiese geneesmiddeleienskappe, biofarmaseutiese en terapeutiese oorwegings, en ʼn
goeie begrip van die belang en noodsaaklikheid van die versekering van kwaliteit deur middel
van kwaliteitsversekering (QA), goeie vervaardigingspraktyke (GMP) en kwaliteitskontrole (QC)
tydens die vervaardiging van medisyne;
2. die vermoë om kennis en begrip van produkontwerp, produkontwikkeling en
kwaliteitsversekering, individueel of in spanverband, te kan toepas in die ontwerp en
ontwikkeling (formulering, vervaardiging, toetsing en verpakking) van orale vaste doseervorme;
3. individueel of in spanverband ‟n kwaliteitsversekeringsisteem vir die vervaardiging van
medisyne kan beplan, opstel, organiseer, en evalueer;
4. die vermoë om relevante formulerings- en vervaardigingsinligting uit alle moontlike bronne
(vakhandboeke, farmakopeë, internetbronne) op te spoor, te evalueer en te gebruik tydens
medisynevervaardiging;