inhoudsopgawe

LEEREENHEID 5
88
Vermenging
Benewens deeltjiegrootteverkleining (wat soms as eerste stap in tabletvervaardigingsprosesse
toegepas word), is die vermenging van die bestanddele meestal die aanvangsstap in alle
tabletvervaardigingsmetodes.
OPMERKING/STELLING:
Vermenging (tydens tabletvervaardiging) is die proses waartydens individuele komponente in die
mengsel sodanig vermeng word sodat die finale mengsel oor „n homogene samestelling beskik
(m.a.w. sodat elke monster wat uit die mengsel geneem word die samestelling van die mengsel
vertoon). Hierdie stap tydens tabletvervaardiging is uiters belangrik om te verseker dat die
tablette wat uit die mengsel vervaardig word oor die korrekte en dieselfde hoeveelheid aktiewe
bestanddeel beskik.
9. Verduidelik waarom vermenging en kennis oor die vermengingsproses belangrik is tydens die
vervaardiging van orale vaste doseervorme.
10. Verduidelik waarom dit vir die vervaardiger nodig is om die vermengingsproses te monitor.
11. Noem die verskillende meganismes waarvolgens poeiers vermeng.
12. Noem/bespreek die faktore wat die effektiwiteit van die vermengingsproses kan beïnvloed.
13. Verduidelik die verskynsel van ontmenging (segregasie) in poeiermengsels en dui die invloed
daarvan op die homogeniteit van poeiermengsels en die eienskappe van tablette.
14. Noem/bespreek die faktore wat segregasie kan veroorsaak.
15. Verduidelik die benaderings wat gevolg kan word om segregasie in poeiermengsels te
verminder.
16. Bespreek die vernaamste praktiese oorwegings tydens die vermenging van poeiers.