inhoudsopgawe

LEEREENHEID 5
Bestudeer die onderstaande studiemateriaal en voltooi dan die volgende leeraktiwiteite:
LB, 5:158-196.
AULTON, 31:447-449 onder die opskrifte “Tablet production via granulation” en “Tablet
86
production via direct compaction”.
AULTON, 12:152-167 (Mixing).
AULTON, 29:410-424 (Granulation).
AULTON, 30:425-440 (Drying).
Natgranulering
Die konsep van natgranulering (as vervaardigingsmetode vir tablette spesifiek) word in die
Leesbundel (hoofstuk 5) en hoofstuk 31 van Aulton (pp.447-448) verduidelik. Hierdie metode
bestaan egter uit ʼn verskillende aantal stappe (of prosesse bekend as farmaseutiese
eenheidsprosesse). Hierdie verskillende eenheidsprosesse word ook in hoofstuk 5 van die
Leesbundel (afdeling 5.9.3) en in afsonderlike hoofstukke in Aulton bespreek (soos hierbo
aangedui). Dit is belangrik dat jy, tydens die voltooiing van die leeraktiwiteite, hierdie hoofstukke
raadpleeg en bestudeer.
OPMERKING/STELLING:
Die fisiese en chemiese eienskappe van die geneesmiddel (en dosisgrootte), bepaal meestal die
formulesamestelling en die metode van vervaardiging van „n bepaalde tabletformulering.
Granuleringsmetodes (droë en natgranulering) behels die vorming van granules (saamgestelde
deeltjies) ten einde die vloei- en saampersbaarheid van poeiermengsels te verbeter, terwyl
direkte samepersing op die oog af lyk na „n baie eenvoudige metode van vervaardiging, maar dit
vereis dat poeiermengsels oor bepaalde eienskappe moet beskik.
1. Bespreek die vervaardiging van tablette deur middel van natgranulering en verwys na die
verskillende eenheidsprosesse betrokke by die proses. Demonstreer ook die belang van elke
eenheidsproses in die vervaardigingsproses met betrekking tot die kwaliteit van die tablette.