inhoudsopgawe

LEEREENHEID 5
METODES VAN TABLETVERVAARDIGING
Dit behoort jou ongeveer 4 ure te neem om hierdie leergedeelte te voltooi en die
uitkomste te bereik.
Na voltooiing van hierdie leergedeelte moet jy:
1. Die verskillende metodes van tabletvervaardiging kan noem, volledig kan bespreek en tydens
laboratoriumwerk kan uitvoer.
2. Die verskillende farmaseutiese eenheidsprosesse by elke metode kan noem, en die rol/funksie
van elke eenheidsproses in die vervaardigsproses kan verduidelik
3. Aan die hand van inligting oor geneesmiddel- en mengseleienskappe kan besluit watter
vervaardigingsmetode die geskikste sal wees vir „n bepaalde formulering.
Die metodes van vervaardiging kan in twee hoofgroepe verdeel word, naamlik granulering en
direkte samepersing. Gegranuleerde tabletformulerings kan berei word deur of natgranulering of
droë granulering. Elkeen van hierdie metodes verg „n bepaalde formulesamestelling, aangesien
die poeiermengsel of granulaat aan verskillende prosesse tydens vervaardiging blootgestel word.
Elke vervaardigingsmetode het sekere voordele, maar egter ook sekere nadele en beperkings.
85