inhoudsopgawe

LEEREENHEID 5
formulering van „n geskikte tabletformule vind dikwels plaas deur middel van “trial and error”,
hoewel daar vandag verskeie wetenskaplike (statistiese) metodes bestaan om tabletformulering
op „n meer wetenskaplike basis te ontwikkel. Inligting rakende die wetenskaplike benadering tot
die ontwikkeling van tabletformules sal tydens die kontakesessies (en laboratoriumwerk) bespreek
word. Kennis van die fisiese en chemiese eienskappe van die geneesmiddel speel „n baie
belangrike rol in die keuse van die hulpstowwe wat saam met die geneesmiddel(s) in die formule
geïnkorporeer moet word, en die eienskappe van die hulpstowwe bepaal dikwels die gedrag en
eienskappe van die finale produk. Die oogmerk tydens die formulering van „n tabletformule is altyd
om „n effektiewe, stabiele en betroubare produk te lewer wat aan al die amptelike vereistes van die
farmakopeë voldoen.
Bestudeer die onderstaande studiemateriaal en voltooi dan die volgende leeraktiwiteite:
LB, 5:111-112 & 143-157.
AULTON, 31:449-454 onder die opskrif “Tablet excipients”.
80
OPMERKING/STELLING:
Alle tablette word vandag op hoëspoed, geoutomatiseerde tabletperse vervaardig. Hierdie
apparate beskik oor die vermoë om groot hoeveelhede tablette per uur te kan produseer, en die
sukses van die formulering (saamstel) en die keuse van die metode van vervaardiging
(natgranulering, droëgranulering of direkte saampersing), kan gewoonlik reeds tydens die
tabletteringsfase bepaal word. Die wyse waarop tablette tydens saampersing in die tabletpers
gevorm word vereis dat poeiermengsels of granules oor bepaalde eienskappe moet beskik om
suksesvolle tablettering te verseker.
1. Verduidelik kortliks hoe tablette gevorm word, d.w.s. verduidelik die tabletteringsproses.
2. Noem die komponente van ʼn tabletpers wat direk betrokke is by die saampersing van
poeiermengsels om tablette te lewer.