inhoudsopgawe

LEEREENHEID 5
Benewens die geneesmiddel(s) bevat tablette ook inerte bestanddele (bekend as hulpstowwe) om
bepaalde funksies te verrig of om bepaalde tableteienskappe te verseker. Afhangende van die
geneesmiddel en/of tipe tablet en/of vervaardigingsmetode, kan die samestelling van
tabletformules baie verskil, terwyl die groot verskeidenheid beskikbare stowwe in elke hulpstoftipe
ook groot variasies in die samestelling van tablette veroorsaak. Die korrekte kombinasie van
geneesmiddel, tipe hulpstof en hulpstofkonsentrasie; en keuse van die geskikte
vervaardigingsmetode, is alles faktore wat die uiteindelike sukses van die ontwerp en ontwikkeling
van tabletformules gaan bepaal. Kennis oor die fisiese eienskappe van die geneesmiddel(s) wat in
„n tabletformule voorkom is van die allergrootste belang, aangesien dit gaan bepaal watter
hulsptowwe in die formule nodig is, en wat die konsentrasie van die onderskeie hulpstowwe gaan
wees.
Tablette word hoofsaaklik volgens twee metodes vervaardig, naamlik (i) granulering en (ii) direkte
samepersing. Granulering kan plaasvind volgens (a) droë of (b) natgranulering.
Natgranulering kan beskou word as die tradisionele metode van tabletvervaardiging. Die
vervaardigingsmetode bepaal die samestelling van „n tabletformule, dus kan die komponente in
natgegranuleerde en direk saampersbare formules aansienlik van mekaar verskil in terme van
biede die tipe hulpstowwwe wat daarin voorkom en die konsentrasie van die verskillende
hulpstowwe.
Die studiemateriaal vir hierdie leereenheid kom voor in:
LB, 5:108-110 & 141-189.
AULTON, 31:441-481.
78