Natuurwetenskappe en Tegnologie Graad 6-B - The Thunderbolt Kids

VRAE
1. Watter tipe stof laat nie die gloeilamp brand nie?
2. Hoewel die stroombaan gesluit voorkom, brand die
gloeilamp nie. Wat beteken dit?
In hierdie geval is die weg baan vir die elektriese stroom
onderbroke. Ons noem 'n stof wat nie elektrisiteit deurlaat nie 'n
isolator.
2.2 Goeie elektriese geleiers en isolators
Ons het hierbo gesien dat die mees bekende geleiers metale is.
Koper is die mees algemene stof wat gebruik word vir elektriese
bedrading. Silwer is die beste geleier, wat beteken dat dit die
materiaal is wat dit die maklikste maak vir 'n elektriese stroom om
daardeur te vloei. Silwer is egter duur. Goud roes nie en word
gebruik wanneer hoë-gehalte kontakte benodig word. Hoewel
aluminium 'n metaal is, is dit nie 'n baie goeie geleier nie. Dit word
egter soms gebruik waar gewig in ag geneem moet word.
Aluminium is nie so swaar soos koper nie.
Ons liggame is ook goeie geleiers van elektrisiteit. Dit is daarom
dat 'n elektriese stroom maklik deur jou na die aarde kan vloei en
jou 'n skok gee. Dit is omdat ons liggame meestal uit water met
soute daarin bestaan. Water met ander stowwe daarin, soos sout,
is 'n goeie geleier van elektrisiteit.
Elektriese strome kan deur alle geleiers vloei indien daar genoeg
elektriese energie is. Normaalweg is die energie te laag. Die
plastiek-isolator om 'n elektriese koord is só. Rubberhandskoene
en skoene sal jou beskerm teen elektriese hooftoevoerstroom,
maar nie teen weerlig nie, wat baie hoë energie bevat.
Hoofstuk 2. Elektriese geleiers en nie-geleiers
41