Natuurwetenskappe en Tegnologie Graad 6-B - The Thunderbolt Kids

HET JY GEWEET?
In 1879, net meer as
130 jaar gelede, het
Thomas Edison die
eerste gloeilamp
uitgevind. Dink aan al
die veranderinge wat
dit in ons
hedendaagse wêreld
teweeggebring het!
Die battery is 'n bron van energie. 'n Deel van die energie word
deur die elektriese drade vervoer na die dun draad in die gloeilamp.
Die dun draad word warm en straal lig uit (gee lig af). Die energie
is in die dun draad omgesit na hitte en lig. Dus, chemiese energie
in die battery word verander na elektriese energie en word dan
deur die gloeilamp in lig en hitte omgeskakel.
AKTIWITEIT: Kom ons kyk na meer elektriese drade.
MATERIALE
• Geleierdrade
INSTRUKSIES
1. Kyk noukeurig na die eindpunte van 'n stuk elektriese draad,
of kyk na die onderstaande foto.
2. Ondersoek die binne- en buitekante van die draad.
VRAE
Die punt van hierdie draad is van plastiek gestroop.
1. Wat is aan die binnekant en wat is aan die buitekant van die
draad?
20 Energie en Verandering