Natuurwetenskappe en Tegnologie Graad 6-B - The Thunderbolt Kids

te sien in watter land die SKA gebou sou word. Albei lande wou
dit graag hê en die bieëry en stemming het vir 9jaar aangehou.
Verlede jaar, aan die begin van 2012, het hulle aangekondig dat
hulle dit eerder in albei lande sou bou, maar dat die meeste van
die skottels in Suid-Afrika en Afrika sou wees.
Waarom het die SKA so baie
skottels nodig? Is een nie
genoeg nie?
Goeie vraag, Sophie. Kom ons vind uit.
Die skottels in die prent lyk soos die TV-satellietskottels wat jy op
party mense se huise sien. Daardie skottels ontvang swak TV-seine
wat van 'n satelliet in die ruimte afkom.
In die SKA vang elke skottel 'n bietjie van die radioseine van die
sterre af op en stuur dit na 'n rekenaar. Die rekenaar sit al die seine
bymekaar om 'n nuwe prent van die die ster te vorm.
Wetenskaplikes van baie lande werk saam om die SKA in die
Noord-kaap te bou. Die meeste van die teleskope sal naby Carnarvon
gebou word.
Sommige van die skottels sal baie ver van Carnarvon af wees.
Sommiges sal in Ghana, Zambië, Mosambiek en Madagaskar wees.
Hulle sal ook seine van die sterre opvang en na die rekenaar in
Carnarvon stuur.
Hoofstuk 9. Sisteme waarmee mens in die ruimte in kyk
HET JY GEWEET?
SKA sal die wêreld se
grootste en mees
sensitiewe teleskoop
wees. Dit sal in die
jaar 2024 voltooi
wees.
189