Natuurwetenskappe en Tegnologie Graad 6-B - The Thunderbolt Kids

AKTIWITEIT: Hoe lense en spieëls 'n teleskoop laat
werk.
MATERIALE
• Elke groep het 'n lens nodig. (Jy kan 'n handlens gebruik dit of
ronde leë bottels vol water. Jy kan ook die glasdeel van 'n
gloeilamp vol water gebruik. Jou onderwyser sal jou wys hoe
om die binnekant van 'n ou gloeilamp te verwyder.)
• Elke groep het 'n spieël nodig. (Dit kan 'n klein spieël wees of
jy kan 'n spieël maak. Jy kan blink foelie van 'n pakkie
aartappelskyfies op 'n karton plak.)
Sit maskeerband of pleister op die stukkende deel van die glas dat
leerders nie hulself sny nie. Ons praat natuurlik van 'n gloeilamp
sonder 'n gloeidraad, nie die nuwe fluoresserende
energiebesparende lampies nie.
'n Lens kan goed laat groter lyk.
As jy deur 'n bottel of 'n glas wat vol
water is kyk, kan jy sien hoe dit
goed laat groter lyk.
INSTRUKSIES (deel 1)
1. Hou die lens op en kyk na iets teen die muur. Jy kan
byvoorbeeld na 'n plakkaat kyk.
2. As jy ver van die muur af is, sal die plakkaat lyk of dit
onderstebo is.
3. Wanneer jy nader aan die muur beweeg, sal die plakkaat die
regte kant om wees en groter wees. Die lens vergroot die
plakkaat (om te vergroot beteken om groter te maak).
Hoofstuk 9. Sisteme waarmee mens in die ruimte in kyk
185