Natuurwetenskappe en Tegnologie Graad 6-B - The Thunderbolt Kids

Die regte maantuie het batterye en elektriese motors in elke wiel
gehad. Baie elektriese motors werk op dieselfde beginsel. Hierdie
motors kan energie aan jou maantuig verskaf.
Bestudeer maniere waarop 'n struktuur met wiele
gemaak kan word.
Jou maantuig moet 'n struktuur hê waarop die wetenskaplikes kan
sit en waarin hulle die rotse kan vervoer. Die wiele moet stewig aan
die struktuur van die voertuig vas wees.
Ons het wiele en asse in Graad 5 in Energie en Verandering
bestudeer. 'n Wiel pas op 'n as wat 'n soliede staaf is wat die wiele
toelaat om te draai.
VRAE
Benoem die wiele en die as in die volgende diagram.
Jy weet dat daar verskillende maniere is waarop wiele aan 'n as kan
draai. Die een manier is om die as aan die struktuur vas te heg, en
die wiele toe te laat om vrylik om die as te draai. Op watter ander
manier kan die wiele draai?
1) Wiele wat aan die as vasgeheg is
Jy kan 'n plastiekstrooitjie of die leë omhulsel van 'n balpuntpen
gebruik om 'n laer vir die as te maak. Die prent toon twee maniere
waarop die laers aan die struktuur vasgemaak kan word. Die laer is
die hol buis waardeur die as gaan. Die laer moet groter as die as
wees sodat die as maklik kan draai.
166 Die Aarde en die Heelal