Natuurwetenskappe en Tegnologie Graad 6-B - The Thunderbolt Kids

Die plank is nuttig om jou model se wiele te toets. Maar die
maantuig moet ook teen bulte kan opbeweeg, nie net af nie.
Die tweede manier waarop jy vir jou maantuig energie kan gee om
te beweeg, is deur 'n elektriese motor en battery te gebruik. Kan jy
onthou dat ons verlede kwartaal na elektriese stroombane gekyk
het en dat 'n sel of battery die bron van energie vir die stroombaan
was? Jy kan 'n elektriese motor en battery in jou maantuig
installeer. Die potensiële energie in daardie stelsel is dan in die
battery.
1
'n Battery is 'n bron van potensiële energie vir 'n elektriese
motor.
'n Ander manier om jou tuig op die maan te laat beweeg, is om 'n
vuurpyl te gebruik. Vuurpyle sal wel op die maan werk. Binne-in
die vuurpyl is daar gas wat teen al die kante druk. Van die gas druk
teen die wande van die ballon en van die gas druk uit deur die
ballon se opening.
Kyk na die vuurpyl-aangedrewe motor in die prent. Die gas wat
deur die ballon se opening druk, laat die hele motor vorentoe
beweeg.
Die ballon werk soos 'n vuurpyl. Jy moet dit eers
potensiële energie gee.
Die vuurpyl is op rollers. Kan jy vir hierdie motor wiele gee?
Hoofstuk 8. Stelsels wat die maan en Mars verken
165