Natuurwetenskappe en Tegnologie Graad 6-B - The Thunderbolt Kids

Noudat jy jou ontwerpopdrag vir jou projek gespesifiseer het,
moet ons verder ondersoek instel om 'n paar vrae te kan
beantwoord voor ons met die ontwerp begin.
Bestudeer die maan se oppervlak.
In Hoofstuk 3 het jy van die maan geleer. Die maantuig moet in
staat wees om oor die maan se oppervlak te ry. Daarom is dit
nodig om die maan se oppervlak te bestudeer.
VRAE
Skryf een feit oor die maan neer wat jy in gedagte sal moet hou
wanneer jy jou maantuig ontwerp. Skryf 'n sin oor hoekom jy
dink daardie feit is belangrik.
Bestudeer maniere waarop mense en toerusting
vervoer kan word.
Die maantuig het vier elektriese motors gehad; een in elke wiel.
Dit het nie 'n stuurwiel gehad nie omdat die bestuurder die motors
in elke wiel kon aan en afskakel. Dit het die tuig gestuur. Dit het
twee sitplekke met sitplekgordels gehad.
Ruimtevaarders het hierdie tuig op die maan gebruik
gedurende die Apollo 17-missie.
Hoofstuk 8. Stelsels wat die maan en Mars verken
161