Natuurwetenskappe en Tegnologie Graad 6-B - The Thunderbolt Kids

Die bestuurder van die maantuig was op die aarde, miljoene
kilometers weg van die tuig en het radio-seine gebruik om die
maantuig te bestuur.
Die Pathfinder-maantuig gebruik elektriese motors om te beweeg.
Die elektrisiteit vir die motor is afkomstig van foto-voltaïese (son)
panele op die boonste oppervlak. Sonpanele gebruik die energie
van sonlig vir die elektriese motors. Soek die sonpanele in die foto.
Die sonpanele waaroor jy in Energie en Verandering verlede
kwartaal geleer het, is ook foto-voltaïse panele.
Die maantuie wat Spirit en Opportunity genoem is.
Hierdie twee maantuie het in 2004 op Mars geland. Soos die
Pathfinder het hulle ook sonpanele gebruik wat elektrisiteit uit
sonlig gemaak het. In 2010, ses jaar later, het die maantuig Spirit in
die sand vasgeval. Kort daarna het dit opgehou om boodskappe
terug aarde toe te stuur.
Die maantuig genaamd Opportunity werk nog, na nege jaar op Mars!
Dit het al meer as 35 km ver gery en het al duisende beelde terug
aarde toe gestuur.
Die Opportunity-maantuig gaan stukkies rots afskraap en
dit dan ontleed.
Die maantuig wat Curiosity genoem is.
Hierdie maantuig is so groot soos 'n kleinerige motor en sal verder
kan ry en baie meer inligting oor die oppervlak van Mars kan
insamel. Wetenskaplikes wil weet of daar enige lewe op ander
planete voorkom. Die maantuig sal soek vir tekens dat
mikro-organismes lank gelede op Mars gelewe het.
Mikro-organismes is baie klein organismes wat nie met die blote
oog gesien kan word nie. Hulle is so klein dat miljoene van hulle op
'n speld se punt kan pas.
Hoofstuk 8. Stelsels wat die maan en Mars verken
HET JY GEWEET?
Foto beteken "lig" en
voltaïes beteken
"elektrisiteit. Dus
foto-voltaïes beteken
skep elektrisiteit deur
lig te gebruik.
BESOEK
Opportunity se missie
(video).
goo.gl/OW5Qm
BESOEK
Die vervaardiging van
Curiosity (video).
goo.gl/BwDaz
155