Natuurwetenskappe en Tegnologie Graad 6-B - The Thunderbolt Kids

2. Soos jy die bal om jou beweeg, sien jy altyd net een kant van
die bal. Stem jy saam?
3. Jou maat moet aan jou een kant staan terwyl jy die bal swaai.
Wat sien hierdie persoon? Hulle sien verskillende kante van
die bal.
4. Neem beurte om die een te wees wat die bal rondswaai soos
jy draai / roteer en die een wat waarneem / dophou.
Die leerder stel die aarde voor en die wit bal die maan.
Die leerder wat die bal swaai sien altyd dieselfde kant van die bal,
maar 'n persoon wat een kant staan en kyk sal sê dat dit draai /
roteer. Die rooi merk op die bal sal wys na die kant van die kamer,
dan na die agterkant, dan na die oorkant, en dan na die voorkant
van die kamer.
Die persoon wat waarneem sal sê dat die bal wel gedraai /
geroteer het, en ook omwentel het.
Die werklike maan neem omtrent 28 dae om een rotasie /
draai te voltooi.
7.2 Omwenteling (maan)
Die maan wentel ook in 'n baan om die aarde, soos jy gesien het in
die vorige aktiwiteit. Die maan neem ongeveer 28 dae om een
omwenteling te voltooi. Die gravitasiekrag tussen die aarde en die
maan hou die maan in so 'n posisie dat die een sy altyd na die
aarde wys.
Hoofstuk 7. Die beweging van die maan
BESOEK
Sien ons altyd
dieselfde kant van die
maan? (video)
goo.gl/cdoJJ
NUWE WOORDE
• omwentel
• omwenteling
• swaartekrag
149