Natuurwetenskappe en Tegnologie Graad 6-B - The Thunderbolt Kids

6. Kry Durban en Kaapstad op die aardbol.
7. Kyk na die aardbol in die prent. As jy in Durban is, sou dit dag
of nag wees?
8. As jy in Kaapstad is, is dit dag of nag?
9. Draai nou die aardbol sodat Afrika na regs draai. Anders
gestel, draai die aardbol na die ooste. Jy sal sien dat Durban
donker word en in die skaduwee inbeweeg. Wanneer dit nag
is in Durban, is dit steeds dag in Kaapstad.
10. Hou aan om die aardbol na die ooste te draai. Kaapstad sal
ook nou in die skadu inbeweeg. Nou is dit nag vir die mense
in Kaapstad.
11. Watter stad sal eerste terugbeweeg in daglig, Kaapstad of
Durban?
12. Hou aan om die aardbol na oos te draai, en Durban sal
terugkom in daglig. Skuif nou na die ander kant van die model
om te sien hoe Durban in die sonlig in beweeg.
13. Hoeveel ure neem dit die aarde om een keer in die rondte te
draai?
Ons sien die son lyk of dit opkom en elke dag deur die lug beweeg.
Maar die son beweeg nie regtig nie; dit kom net voor of dit beweeg!
Die aarde draai om en om, en ons beweeg saam met die aarde. Die
aarde neem 24 uur om een volledige omwenteling te maak.
140 Die Aarde en die Heelal