Natuurwetenskappe en Tegnologie Graad 6-B - The Thunderbolt Kids

2. Sal jy swaarder of ligter voel op Mars?
Ons het nou baie ver van die son af gegaan, 5keer verder as wat
die aarde van die son af is. Ons kan nou die gasreuse begin sien -
die vier buiteplanete. Die gasreuse het nie 'n soliede oppervlak
waarop ons kon land nie. Hulle is reuse gasballe en as ons naby sou
kom, sou ons deur die wolk koue gasse kon vlieg.
Jupiter is die eerste gasreus waarby ons kom en is die grootste van
al die planete. Van die aarde aflyk dit helder wit, maar as jy nader
kom is dit eintlik 'n pienkbruin kleur. Dit is baie groter as al die
ander planete saam.
Jupiter is 'n groot bal gasse
soos waterstof met
ammoniakwolke. Winde waai
van oos na wes op die
oppervlak en waai teen die
spoed van straalvliegtuie. Die
oppervlak is baie koud en van
die gasse is so koud dat hulle
vloeistowwe of vastestowwe
word.
Diep binne-in mag Jupiter 'n
warm rotskern hê. Jupiter het 4
groot mane, en 60 kleiner mane.
Jupiter. Ons kan die
malende ligpienk en bruin
kleure op die oppervlak
sien.
As ons nou nog verder die ruimte invaar, dubbel die afstand wat
ons gereis het om by Jupiter te kom, kry ons die planeet Saturnus.
Saturnus is amper net so groot soos Jupiter, maar het 'n ligte geel
kleur. Dit is meestal gas en het 'n rotskring wat uitsprei en daarom
draai. Saturnus het 62 mane.
Die beeld hierbo is 'n
kunstenaarsvoorstelling van
die Cassini-ruimtetuig wat
nader aan die planeet
Saturnus en sy magnetiese
ringe gaan.
Hoofstuk 5. Die sonnestelsel
HET JY GEWEET?
Voor ons egter kan
probeer om by Jupiter
uit te kom, moet ons
eers veilig deur die
asteroïde-gordel reis.
Jy kan meer oor die
asteroïde-gordel laer
af op die bladsy lees.
BESOEK
‘n Video van Jupiter.
goo.gl/T0rhi
HET JY GEWEET?
Jy sal meer oor
Galileo lees in
Hoofstuk 5. Hy was
die eerste persoon
wat die mane van
Jupiter gesien het.
115