Natuurwetenskappe en Tegnologie Graad 6-B - The Thunderbolt Kids

'n Satelliet volg 'n orkaan wat oor die aarde se oppervlakte
beweeg. Kan jy die orkaan sien? Dit kom voor as 'n wit krul
van wolke in die prent. BESOEK
Die volgende in die ry is Mars, die rooi planeet. Baie ruimtetuie is al
na Mars toe gestuur om foto's te neem en sommige van hulle het
geland om monsters te neem van die grond. Ons weet dus baie
van Mars.
Mars benodig amper twee aarde-jare om een keer in sy wentelbaan
om die son te beweeg. As jy op Mars bly, sal jy baie lank moet
wag vir jou verjaardag. Mars draai ook om sy eie as en 'n dag op
Mars is min of meer dieselfde lengte as 'n dag op aarde. 'n Dag op
Mars word 'n sol genoem.
Mars. Kan jy die lang, donker merk oor die oppervlakte
sien? Dit is 'n diep vallei.
Dié planeet is verder van die son as die aarde, en om dié rede is dit
baie koud. Dit het 'n dun atmosfeer, maar dit bestaan meestal uit
die gas koolstofdioksied. Mense kan nie asemhaal in daardie
atmosfeer nie.
Die oppervlakte is meestal sand en rotse. Die sand is vol
ysteroksied wat dieselfde stof as die rooi-oranje roes is. Vanaf die
aarde sien ons Mars as 'n klein rooi-oranje kolletjie in die lug as
gevolg van die kleur van die grond.
Hoofstuk 5. Die sonnestelsel
Die wonders van die
aarde (video).
goo.gl/BgCXG
BESOEK
Rotse oor die wereld.
goo.gl/Q1dHu
113