Tweede adjunkhoof vir Ben Vorster - Hoërskool Ben Vorster

MEDIABERIGTE: 19 JULIE
Tweede adjunkhoof vir Ben Vorster
Me. Isolde Fasondini is met ingang 1 Julie 2010 aangestel as die 2de
adjunkhoof van Hoërskool Ben Vorster. Hierdie aanstelling het as geen
verrassing gekom nie, aangesien sy reeds vir ’n periode van bykans ’n jaar
waargeneem het in bovermelde hoedanigheid.
Hoërskool Ben Vorster is bevoorreg om ’n persoon van haar kaliber te hê wat
mede aanspreeklikheid vir die bestuur van die skool aanvaar.
Me. Fasondini se onderwysloopbaan is deurspek met prestasies en uitstekende
kwalifikasies. Onder andere kan daar verwys word na die volgende:
• Een van ’n handjievol onderwyskandidate wat ses onderskeidings in
matriek behaal het.
• ’n Verdere uitsondering is die feit dat sy oor ’n honeursgraad in Fisika
beskik, en dat sy vir baie jare van die beste uitslae in Fisiese
Wetenskappe in die Limpopo Provinsie behaal het. Volledige
kwalifikasies B.Sc, HOD, B.Sc Honeurs, verdere diploma in
Jeugweerbaarheid, assessorkursus en moderatorkursus van die
Noordwes Universiteit.
• Sy was lid van die Nasionale eksamenpaneel vir Fisiese Wetenskappe
en vir baie jare moderator en hoofeksaminator in hierdie provinsie.
• Sy het vir baie jare diens gedoen in die dogterskoshuis en is met
ingang 1 Januarie 2008 tot tans aangestel as senior huismoeder.
Me. Fasondini het diep spore getrap in die onderwys in die algemeen en in Ben
Vorster in die besonder. Vir baie jare het die administratiewe / rekenaarstelsel
van die skool om haar as persoon gedraai. Hierdie is ’n welverdiende
bevordering en daar word met verwagting uitgesien na haar verdere
betrokkenheid by die skool en in die provinsie.

Vossie rugby stu voort!!!
Hoërskool Ben Vorster kan met reg getipeer word as die bes presterende
rugbyskool in die provinsie. Na afloop van verlede kwartaal se halfeindstryde
het die skool die onmoontlike reggekry deur met vier van sy B-spanne as die
Limpopo kampioene gekroon te word (0/14B-; 0/15B-; 0/16B- en 3 de span) en
met al vier sy A-spanne na eerskomende naweek se finale deur te dring.
Die 0/14A-, 0/15A- en die 1 ste span speel eersksomende naweek teen PHS om te
bepaal wie die kroon gaan dra en die 0/16A-span gaan sake uitspook teen
Hoërskool Ellisras. Daar word met verwagting uitgesien na Saterdag se
wedstryde wat op die velde van PHS gaan plaasvind.
Die program is as volg:
Tyd A-veld B-veld
10:10 Grootskole – 0/14A
Pietersburg vs Ben Vorster
11:20 Grootskole – 0/16A
Ellisras vs Ben Vorster
12:30 Grotoskole - 0/15A
Pietersburg vs Ben Vorster
14:50 Grootskole – 1 ste span
Pietersburg vs Ben Vorster

Ben Vorster se Gholf vaar baie goed
Ben Vorster se 2 de en 3 de gholfspanne het die afgelope naweek teen Hoërskool
Tom Naudé gespeel. Die uitslae is as volg:
2 de span wen 4 – 0
3 de span wen 3 – 1.
Ons is baie trots op hierdie gholfspelers van die skool en ons wens hulle sterkte
toe vir die wedstryde wat voorlê.
Hoërskool Ben Vorster se Netbal neem aan die Coke
reeks deel
Hoërskool Ben Vorster neem jaarliks deel aan die Coke reeks vir Netbal ter
voorbereding vir die spanne wat aan die Noordvaal kampioenskappe gaan
deelneem. Onderstaande is ’n kort opsomming van wat die afgleope naweek
tydens die Coke reeks gebeur het.
0/14-span:
Afdeling bestaan uit 4 groepe van 5 spanne. Ons 0/14-span speel teen die
volgende spanne in hulle groep:
Menlo Park - gelykop
Kempton Park- Wen
Lichtenburg - Wen
Garsfontein - Wen
Waterkloof - verloor
Die spannetjie toon groot veggees en speel vir die 3 de plek teen AFFIES en
verloor 16 – 10. Hulle eindig algeheel 4 de uit 20 spanne.
0/15-span
Afdeling bestaan uit drie groepe van 5 spanne waar die 0/15-span teen die
volgende spanne speel:
Waterkloof - verloor
HS Rustenburg - Wen
Garsfontein - verloor

Hierdie span speel op die einde uit vir die 5d eplek teen Potch Gimnasium en
vrloor ongelukkig. Eindig 6 de uit 14 spanne.
0/17-span
Afdeling besaan uit 4 groepe van vier spanne en speel teen die volgende skole:
Zwartkop - verloor
Rustenburg - verloor
Kempton Park- gelykop
Hierdie span speel uit vir die 9 de plek teen Ellisras en wen oortuigend met 22 – 6.
Hulle eindig 9 de uit 16 spanne.
1 ste -span
Die afdeling bestaan uit vier groepe van vier. Al die top Gauteng skole was hier
in aksie. Ons speel teen die volgende:
Duyneveld (Upington) - wen
Nelspruit - wen
Garsfontein - Verloor
Eindig 2 de in ons pool en speel Gimnasium Potch om vir die 3 de plek te
kwalifiseer en ongelukkig verloor ons 21 – 18. Ons speel teen Swartkop om die
7 de plek en wen oortuigend 16 – 9.
Eindig 7 de uit 17 spanne.
Die hoogtepunt vir die dogters was die werwingsveldtogte van PUKKE, UJ en
Tukkies se sportkantore. Vyf dogters het aansoekvorms vir sportbeurse ontvang
waarvan drie speelsters nou eers in Graad 11 is en ook raakgesien was.
Die dogters sien uit na ’n spanningsvolle Noordvaal Kampioenskappe.