deurlopende formatiewe assessering in skriftelike stelwerk in graad 5

gebeur nie. Daar was ‘n gemaklike gons wat getuig het van leerder se deelname aan eie leer.
Mckensie en Tomkins (1984: 206) sien die onderskeid tussen die voorlopige skryfpoging en
revisie so: “The drafting stage helps them discover what they want to say; the revision stage
helps them find the structure or the most appropriate form and then develop it fully, keeping
in mind the needs of their audience.” Arnoldt (1991:117) beklemtoon die feit dat daar geen
kortpad is in die ontwikkeling van die skryfproses en die ontwikkeling van ‘n effektiewe
skryfkurrikulum nie. Hy sê verder dat: “ … when we put writers in touch with their own
capacities to shape thought, feeling and language in written texts, we are helping them to
create an individual metaphor for themselves”.
White en Arndt (1991:117) sê verder dat wanneer leerders leer om ander se werk te evalueer
en terselfdertyd te reageer op die evaluering van hul eie werk, leerders geleidelik die
kapasiteit vir selfassessering opbou wat ‘n belangrike deel vorm van die skryfproses. ‘n
Kognitiewe benadering tot skryf sien dit as ‘n komplekse reeks van
probleemoplossingsaktiwiteite. Wat die skryfproses so besonders uitdagend maak, is dat die
skrywers self die probleme moes skep en dan oplossings daarvoor moes vind. Dit is dan
vanselfsprekend dat voordat ‘n mens ‘n kritiese leser van jou eie werk kan word, jy ‘n
duidelike idee moet het van die dinge waaroor jy krities oor moet wees. By die
voorbereidende aktiwiteite (“drafting stage”) byvoorbeeld is die vrae wat daar gevra moet
word die koherensie van die werk. Dit sluit die manier en hoe die idees in die teks uiteengesit
is in.
Wanneer ons skryf, kom daar tegelykertyd baie idees in ons gedagtes. Dit is deel van die
skryfproses om hierdie idees te hersien, om dit te verander en die beste manier te vind om
die idees op papier te sit. Dit is nie ‘n maklike taak nie, want dit vereis tyd en geduld.
Hersiening vorm ‘n belangrike deel van die skryfproses en versigtige korrigering is deel van
die komposisieproses. Korrigering vorm nie deel van die finale stap nie, maar dit is ‘n
konstante deel van die skryfproses. Dit is ook deel van die skryfproses om aanbevelings van
andere te kry byvoorbeeld, portuur en leerkrag. Hulle speel ‘n belangrike rol in die proses van
ontwikkeling van die teks.
Die oorheersende uitgangspunt wat vandag in hierdie verband deur die voorstanders van die
prosesbenadering gehandhaaf word, is dat ‘n ideale model vir suksesvolle skryfonderrig een
sou wees met rekursiewe fases. “In other words, recursiveness in writing implies that there is
85