deurlopende formatiewe assessering in skriftelike stelwerk in graad 5

Leerders moet die kriteria vir assesseringsdoeleindes verstaan (WKOD, 2003: 2).
Interpretasie en refleksie van die assesseringsproses
Na die tweede weergawe was daar alreeds duidelike verbetering te bespeur. Die logiese
ontwikkeling van gebeure in die teks en koherensie was ‘n nog ‘n probleem in almal se werk
behalwe in Rudy se teks. Hy het slegs spellingsprobleme gehad. Elkeen het voor hul finale
poging ‘n konfereringssessie met my gehad. Ons het die logiese ordening en koherensie
aangespreek en areas waar daar verdere uitbreiding nodig was. Die meeste van probleme was
in die middel van hul paragrawe waar sinne nie so logies ontwikkel is nie en waar dit
koherensie beïnvloed het.
Sammy het feitlik elke sin met die woord ‘som’ begin byvoorbeeld:
Som visse is baie mooi. Som van die visse bly in klein en som visse bly in groot akwariums.
Som van hulle het ‘n klompie plante in. Som het niks plante in. Hy het ook regdeur die teks té
veel gebruik gemaak van die voegwoord en met die gevolg dat sy werk eentonig gelees het.
Ek het aan hulle uitgelig dat as jy te veel verbinders gebruik of dit nie effektief aanwend nie,
die resultate net so ondoeltreffend is. Sy sinne skakel wel in met mekaar, maar hy begin die
meeste van sy sinne met dieselfde woorde. As ‘n mens egter die eerste weergawe met die
tweede vergelyk nadat hy herskryf het, was daar alreeds ‘n verbetering te bespeur.
Hersiening
Die tweede weergawe was deur leerkrag gekontroleer met behulp van ‘n tweede kontrolelys.
Na individuele konferering is dit aan leerders vir herskryf teruggegee. Leerders was daaraan
herinner dat hersiening en herskryf van paragrawe hulle help om ‘n beter finale produk te
lewer en nie om hulle ekstra werk te gee nie.
Kommentaar
Soos leerders weergawes herskryf het, het werk geleidelik verbeter. Leerders het in
groepverband gewerk en het glad nie ontmoedig geword nie. Hulle het die samesyn geniet
omdat hulle nou hul werk met ‘n maat kon bespreek. Ek het verwag dat daar onnodige lawaai
sou plaasvind omdat leerders gedurig met maats in groep konfereer, maar dit het nie juis
84