deurlopende formatiewe assessering in skriftelike stelwerk in graad 5

As ‘n verdere oefening het hulle ‘n paragraaf gekry waar die verbindingswoorde weggelaat
was en hulle moes dit invul. Teen die einde van die oefening is die verskillende paragrawe
vergelyk om te sien hoe leerders gevaar het ten opsigte van hulle kennis en beheer oor die
taal. Hulle vergelyk dan hulle paragrawe met die oorspronklikes om te sien watter woorde
deur skrywers gebruik was.
Tabel 7: Vul die ontbrekende woorde in:
Ma, _____ gaan Saterdag ‘n entrepreneursdag by die skool hou. _____ wil ook deelneem!”
roep Letsi opgewonde uit toe ______ by die huis kom. “Dit is ‘n goeie plan! Wat wil _____
verkoop? Vra haar ma belangstellend. “______ weet nog nie. Watter goeie plan het ma?” vra
______. “Kom _____ bel oom Tim op die plaas. Dalk kan ____ raad gee.” sê _____ ma.
Van Oordt, 2001
Deur leerders bewus te maak dat hulle nie vir hulself skryf nie, maar vir ‘n gehoor, het hulle
laat besef dat hulle nou baie meer duidelik moet wees. Onduidelike taal maak hulle skryfwerk
moeilik leesbaar vir mense om te verstaan. Lesse was dus so ontwerp om so ver as moontlik
leerders bewus te maak om duidelik te skryf. Wanneer ons praat, praat ons dikwels
onsamehangend en onduidelik, maar omdat ons ‘n gehoor met ons is, kan ons ons self
verduidelik soos die gesprek vorder. Ons gehoor gee ons ‘n indikasie deur middel van
gesigsuitdrukkings indien hulle ons verstaan of nie, sodoende kan jy jouself verder duidelik
maak. Dit kan egter nie in geskrewe werk gebeur nie, want ons gehoor is nie met ons nie. Die
prosesbenadering het ‘n ingeboude evalueringsmeganisme wat die evalueringstaak van die
onderwyser vergemaklik.
Die portuurgroepbespreking en leerling-onderwyser interaksie verseker ‘n deurlopende
evalueringsproses wat by die tradisionele benadering ontbreek. Elke leerder in die groep
word ‘n mede-evalueerder van ‘n leerder se skryfstuk. Die onderwyser kan deur middel van
individuele konferering leerders onmiddellik aanspreek ten opsigte van hul skryfpogings.
Evaluering van ‘n skryfstuk word ‘n gesamentlike ooreenkoms tussen onderwyser en leerling
waardeur die stuk opbouend aangespreek word.
‘n Voorbeeld van ‘n kontrolelys wat deur leerkrag gebruik was:
82