deurlopende formatiewe assessering in skriftelike stelwerk in graad 5

oordra. Ons moet hulle nie verwar met ons informasie nie. Leerders het nou met ‘n maat
gewerk en die volgende oefening gedoen. Hulle het die onderstaande vrae gebruik en ‘n
onderhoud met ‘n maat gevoer. Aandag moes aan chronologie geskenk word.
Wanneer verlaat jy die skool elke dag?
Wat is die eerste ding wat jy doen?
Wat doen jy daarna?
Hoe laat begin julle aandete voor te berei?
Tabel 5: Beantwoord die volgende vrae.
Waarheen gaan jy wanneer jy aandete klaar geniet het?
Hoe laat gaan jy bed toe?
Hoeveel ure slaap jy?
Droom jy gewoonlik?
Skryf nou ‘n paragraaf in chronologiese volgorde.
Melton (1997:66) sê die volgende: “ … your student’s rough drafts will help you develop
meaningful lesson plans.” Soos ek dus deur hulle konsepweergawes gelees het, het die
volgende aan die lig gekom. Daar was nog steeds ruimte vir verbetering ten opsigte van
koherensie en logiese ontwikkeling van gebeure in hul paragrawe. Parks, Levernier en
Hollowell, (1986:106) sê dat leerders oor die algemeen sukkel om samehangend te skryf.
Die volgende les was dus in so ‘n mate beplan om die kwessie van onsamehangendheid aan
te spreek.
Leerkraginset
Ek het aan leerders verduidelik dat koherensie ‘sticking together’ beteken. Wanneer ‘n
paragraaf koherent is, kan die leser maklik van een sin na ‘n ander beweeg sonder om
verward te raak of om nie te verstaan wat die skrywer aan die leser wil sê nie. ‘n Goed
georganiseerde teks is die basis vir ‘n koherente paragraaf. Koherensie word bereik deur die
idees of informasie op ‘n logiese orde te rangskik en die leser behulpsaam wat sal help om
die verhouding tussen die idees in die paragraaf te verstaan. As die idees op ‘n onlogiese
inkoherente manier uiteengesit is, dan is dit baie moeilik vir die leser om te verstaan wat die
80