deurlopende formatiewe assessering in skriftelike stelwerk in graad 5

Nadat portuurassessering toegepas was, was daar ‘n duidelike verbetering in Zenia se vloei
van haar sinne. Die middelste gedeelte van haar paragraaf het egter nog ordening nodig
gehad. Shereen het die aanbevelings van haar maat gevolg en dit was duidelik in haar tweede
weergawe te bespeur. In haar geval kon die aanbevelings van die maat egter bevraagteken
word. Dit wil voorkom asof haar maat nie die vermoë gehad het om die kontrolelys
betekenisvol toe te pas nie. Sinne was nie logies gerangskik nie en omdat Shereen een van die
groep was wat nie met my gekonfereer het nie, was haar tweede weergawe nie veel beter as
die eerste nie.
Kommentaar
Die teks is die ontmoetingsplek tussen skrywer en leser (Du Toit en Smith-Müller 2003: 22;
Snoeck- Henkemans, 1989:46) daarom is begryplikheid of helderheid ‘n voorwaarde vir elke
doel wat met ‘n teks nagestrewe moet word. Drop en de Vries (1977:254) gaan verder deur
te sê dat dit die duidelike teks is wat vir die leser geloofwaardig is. Die leerders het egter baie
probleme ondervind om hulle teks helder en duidelik te skryf. Dit was nie so maklik om hul
boodskap duidelik en koherent oor te dra nie. Leerders het self besluit watter sinne om vir
hulle hoofsinne (inleidende sinne) te gebruik en watter besonderhede om by hulle paragrawe
te voeg. Dit was egter ‘n intimiderende taak vir leerders om al die inligting wat hulle tot hul
beskikking gehad het so te organiseer dat hulle ‘n koherente, liniêre teks kon voorlê wat
logies vloei. Hulle moes sorg dat hul teks nou sy eie konteks skep. Van der Spek (1994:31)
sien die teks as ‘n dialoog - skrywers is in gesprek met een of meer lesers; die skrywers
moenie hulleself bereik of oortuig nie, maar die leser. Leerders het op hierdie stadium nog
probleme hiermee ondervind. Ek het die probleem in die derde les aangespreek.
4.4.3 Les 3
Om logiese ordening aan leerders te verduidelik het ek van ‘n stel prente soos dit verskyn in
Lefkowitz (1989:15) se boek, “From Process to Product” gebruik gemaak. Leerders moes die
onderstaande prente in die korrekte chronologiese volgorde volgens tyd rangskik en nommer.
Ek het aan leerders verduidelik dat ons werk so ‘n logiese volgorde moes volg. Ons moet ons
inligting op ‘n logiese volgorde bekend stel sodat lesers kan verstaan wat ons aan hulle wil
79