deurlopende formatiewe assessering in skriftelike stelwerk in graad 5

Interpretering en refleksie van die assesseringsproses
Portuurassessering was op leerders se eerste weergawe toegepas. Dit was gedoen met behulp
van die kontrolelys. Logiese volgorde, inleidende sinne en slotsinne het aandag geniet.
Leerders kon met die leerkrag konfereer indien hulle nie met die organisering van sinne
saamgestem het nie. Leerders was deeglik bekend met die kontrolelys. Hulle moes
aanbevelings volg en herskryf. Na die eerste assessering deur portuur het die ses leerders se
werk so daar uitgesien:
Al ses die leerders het nie hul portuurgroep se aanbevelings toegepas nie. Rudy se maat het
egter geen veranderings in die orde van sy sinne gemaak nie. Ek het deur sy werk gelees en
kon sien waarom hy gevoel het dit moes so bly. Rudy se konsepweergawe het so daar
uitgesien:
Wat is akwariums?
In die akwarium is daar visse in vistenke. Die visse is verskillend as die by ons se huise. In
die akwarium is die spisiale (sic) plante wat in water kan grooi. Daar is baie plante in die
tenke vir skeiling (sic) en extra (sic) voeding. ‘n mens kan gou sien is ‘n vis siek is waneer hy
siek is kry hy donker kolle op sy lyf, hy swem stadiger of hy wil nie eet nie. Hulle sit filters
onder die trye (sic) lat (sic) die filters die water skoon hou. ‘n Vistenk is gevarlik (sic) om in
die sonlig te sit want die kan dit op trek. Dit is ‘n goeie ding dat ons akwariums het dat ons
die visse kan sien.
Dit was alreeds op hierdie stadium duidelik dat Rudy baie gebaat het by die voorbereidende
aktiwiteite. Die res van die groep het hulle aanbevelings gevolg en hulle werk daarvolgens
herskryf. Die twee wat nie saamgestem het met hulle aanbevelings nie, het met my
gekonfereer en ons kon tot ‘n skikking kom. Inleidende en slotsinne was duidelik in plek. In
al ses se werk het hul skrywersstem duidelik na vore gekom. Hulle het nie probleme hiermee
gehad nie. Sammy en Carol het egter gesukkel met die oordra van informasie. Die informasie
wat hulle verskaf het, was karig en nie baie interessant nie. Die res van die groep se werk was
beter in die opsig dat dit inligting weerspieël het wat leersaam was.
78