deurlopende formatiewe assessering in skriftelike stelwerk in graad 5

leerders te help met die organisering van hul werk was verskeie aktiwiteite bekendgestel. In
die eerste aktiwiteit moes leerders inleidende sinne vir paragrawe kies. Verskillende
paragrawe is aan leerders op oorhoofse projektor vertoon waarvan die sinne deurmekaar
geskryf is en leerders moes besluit watter van die sinne die beste die onderwerp sou inlei. Ek
het aan hulle verduidelik dat die inleidende sin nie net die paragraaf inlei nie, maar ook die
idee bevat wat die paragraaf kontroleer of beheer (Arnold, 1991:13-17). Daarna moes hulle
die sinne wat die onderwerpsin die beste ondersteun in ‘n logiese volgorde rangskik. Die sin
wat die paragraaf die beste afsluit, was as slotsin gebruik. Ons het ook die rede waarom
slotsinne gebruik word, bespreek.
Mense hou daarvan dat dinge afgeëindig moet word. Ons skakel die televisie af en ons maak
ons boeke toe aan die einde van ‘n skooldag. Na aandete was ons die borde op. Hierdie
aksies of aktiwiteite laat ons goed voel. Ons weet wanneer ons aan die einde van iets gekom
het. Net so moet jou paragrawe of wat jy ookal skryf, afgesluit word. ‘n Goeie slotsin help
om jou werk af te sluit en te voltooi. ‘n Slotsin is soos ‘n punt aan die einde van ‘n sin.
In ‘n volgende aktiwiteit is verskillende paragrawe aan leerders op die oorhoofse projektor
vertoon en leerders moes hierdie keer die inleidende sinne neerskryf. Hierdie paragrawe was
gebruik om leerders die verband tussen inleidende sinne en die onderwerp te wys. Hulle kon
sien dat elke paragraaf rondom ‘n sentrale idee konsentreer. Hulle moes die sentrale idee
uitlig. Hulle kon ook in dié paragrawe die logiese ordening van die sinne en hoe dit inmekaar
vloei, sien. In ‘n volgende aktiwiteit was leerders kort paragrafies van ongeveer drie tot vier
sinne lank gegee en hulle moes nou self ‘n geskikte inleidende sin aan die paragrafies
verskaf.
Al die aktiwiteite is gedoen om leerders te help om inleidende sinne, logiese ordening van
sinne en die verband tussen inleidende sin en onderwerp te sien. Die volgende aktiwiteite was
aan leerders gegee.
74