deurlopende formatiewe assessering in skriftelike stelwerk in graad 5

probeer om die foute aan te spreek. Oordeelkundige implimentering van die daaropvolgende
aksie is egter belangrik. Grundy en Kemmis (1981:2) spreek hulle in hierdie verband as volg
uit:
If what is learned in one cycle is not applied judiciously in further cycles of
modifying plans, implementing them, monitoring of amended action, and
reflecting again, then the action research process disintegrates into mere
problem solving or exercises …
My doelwit in die tweede siklus was dus om leerders se vordering individueel te assesseer en
te sien hoe die skryfproses in die verskillende weergawes manifesteer.
4.4 OPVOLGAKSIE: IMPLEMENTERING VAN AKSIE
4.4.1 Les 1
Leerkraginset
In die vorige siklus het ek die probleme waarmee leerders worstel in die skryfproses
geïdentifiseer en het dit in die opvolgaksie aangespreek. My doelwit in die les was om die
skryfproses vir leerders te vergemaklik deur van bepaalde tegnieke en strategieë gebruik te
maak. Du Toit en Smith-Müller (2003:2) is van mening dat strategieë om die skryfproses,
(vergelyk Snoeck-Henkemans, 1989:2) waarvan skryfvaardighede en stylbeheersing
onderdele is, beter te laat verloop in ‘n mindere of meerdere mate aangeleer kan word.
Voorbereidende Aktiwiteite
Die eerste les as voorbereiding vir die skryfaktiwiteit was ‘n uitstappie wat ons na die “Two
Oceans Aquarium” in Kaapstad onderneem het. Dit was ‘n gefokusde besoek. Leerders het
die geleentheid gehad om eerstehands kennis te maak met akwariums en die funksies van
akwariums. Hulle kon ook verskillende soorte akwariums sien. Die klas was in groepe
verdeel en elke groep is met ‘n gids vergesel en deur die akwarium geneem. Daar was groot
opgewondenheid onder leerders te bespeur soos hulle deur die akwarium beweeg het. Dit was
vir die oorgrote meerderheid van hulle ‘n eerste besoek aan die akwarium. Hulle is
66