deurlopende formatiewe assessering in skriftelike stelwerk in graad 5

In ‘n verdere oefening het ek verskillende paragrawe op die oorhoofse projektor gewys met
een sin wat nie daar pas nie. Die inligting in dié sin het nie by dié van die paragraaf gepas nie.
Leerders moes die vreemde sinne identifiseer en aandui waarom dit nie pas nie.
4.2.4 Les 4
Leerders kon nou hulle paragrawe skryf deur gebruik te maak van die sinne op die
verskillende velle bruin papier. Ons het die sinne in die klaskamer bespreek en net die beste
sinne was op die velle bruin papier geskryf. Omdat leerders gebruik gemaak het van die sinne
op die velle bruinpapier, kon hulle die sinne so kies dat dit ‘n logiese paragraaf vorm wat
bestaan het uit sinne wat grammatikaal korrek was. Hulle het dus nie baie probleme
ondervind met die samestelling van hul paragrawe nie. Ek het gevoel dat dit nie heeltemal hul
eie werk was nie, want hulle het toe almal paragrawe gehad met sinne wat netjies en logies
saamgestel was. Ek het toe besluit om die siklus hier te stop, want die individuele vordering
van die leerders was vir my belangrik. Ek het die volgende aksie beplan en om my
benadering so te verander dat die skryfproses deur die verskillende stadiums kon gaan en ek
leerders se eie werk kon assesseer.
4.3 VOORLOPIGE GEDAGTES OOR ‘N OPVOLGAKSIE
Op hierdie stadium het ek ‘n opvolgaksie gesien voortspruit uit die refleksie op die handeling.
Wat vir my duidelik geword het toe ek oor my aksie reflekteer, was dat ek nie die individuele
leerders op so ‘n manier kon assesseer nie. Die leerders het slegs geleentheid gehad om een
sin in die groep te gee. Leerders se sinne op die velle bruin papier was deeglik in groepe
bespreek en die leiers van die groepe wat die beter skrywers was, het gesorg vir grammatikale
korrekte sinne. Leerders het toe aan die einde van die sessie ‘n paragraaf saamgestel van die
sinne op die bruinpapier teen die mure. Hulle kon nou gebruik maak van al die sinne op die
verskillende velle bruinpapier. Die groepwerk was goeie voorbereidende werk vir die tweede
aksienavorsingsprojek. Ek kon egter op die manier nie die vordering van die ses leerders sien
nie. Op hierdie stadium het dit vir my duidelik geword dat ek my volgende lesse so sou moes
aanpak dat ek die leerders se individuele werk beter sou kon sien en assesseer.
Dit was die eerste keer dat ek ‘n kritiese ondersoek oor my eie praktyk geloods het en die
foute/benadering van die eerste siklus was hieraan te danke. In die tweede siklus het ek
65