deurlopende formatiewe assessering in skriftelike stelwerk in graad 5

die andere probleme ondervind het met die samewerking van die lede in hul groepe. Groepe
was verminder van agt na ses om terugrapportering gouer te laat geskied. Die leiers was
vervang sonder ‘n groot ophef. Om nie onplesierigheid te veroorsaak nie, het ek aan hulle
verduidelik dat almal ‘n kans gaan kry om ‘n groep te lei. Ek het gesorg dat groepe so verdeel
was sodat hulle leerders met verskillende vermoëns insluit sodat hulle mekaar kon help. Die
klem het op koöperatiewe leer geval. Leerders was weereens van groot velle bruinpapier en
koki penne voorsien. Die groepe het hierdie keer vir my baie beter gewerk, want die leerders
wat probleme veroorsaak het, was nou weg van hul vriende geplaas. Groepe was nou minder
luidrugtig.
Ek het daarop aangedring dat sinne bespreek moet word. Die leier moes sinne neerskryf en
moes ook verseker dat daar ten minste een sin van elke leerder in die groep ter sprake kom.
Die sin moet dan deur groep bespreek en verfyn word. Wanneer hulle gevoel het dat dit sin
maak en volgens hulle korrek is, moes dit dan op die vel bruin papier neergeskryf word. Dit
het voorgekom asof ek onnodig langdradig was, maar ek het ondervind dat herhaling baie
help vir die stadige leerders.
Sommige groepe se sinne was baie interessant, veral omdat dit aan die begin van die
skooljaar was en hulle in graad 5 was. Groepe was geëvalueer volgens hulle sinne en
evaluasie was met hulle bespreek.
Kommentaar
Dit was duidelik dat sommige leerders gesukkel het om hul gedagtes duidelik in woorde uit te
druk. Ek het aan hulle verduidelik dat ons vir ‘n gehoor skryf en dit noodsaaklik is om so
duidelik as moontlik te skryf omdat die gehoor nie altyd saam met ons is nie. Die verskil
tussen die gesproke taal en geskrewe taal was aan hulle verduidelik. Wanneer jy met iemand
praat, is jy somtyds onsamehangend, maar jy het die geleentheid om te verduidelik wat jy
graag wil oordra omdat jou gehoor by jou is. Dit is egter nie die geval wanneer jy skryf nie,
daarom moet ons baie duidelik skryf en die leser soveel moontlik inligting verskaf sodat hulle
kan verstaan wat ons graag wil oordra.
Hierdie keer het ek self die terugrapportering gedoen en die groepe se sinne aan klas gelees
en bespreek. Ons het gekyk na die inligting wat leerder wou oordra en hoe duidelik die sinne
63