deurlopende formatiewe assessering in skriftelike stelwerk in graad 5

Skryfaktiwiteit
Die beskrywing van die ruimtetuig was ‘n skryfaktiwiteit wat deur die groep gesamentlik
gedoen is. Groepe is van bruinpapier en koki penne voorsien om verkwisting van tyd te
voorkom. Nadat groepe dus soveel woorde of frases as moontlik oor onderwerp neergeskryf
het, het hulle dit op groot velle bruin papier geskryf. Elke leier het ‘n geleentheid gekry om
hulle woorde/frase aan klas te kom voordra. Hulle kon nie net die woorde voorlees nie, maar
moes die woorde in sinne gebruik. Wat vir my baie voordelig was van die
terugrapporteringsessie was die feit dat baie van die woorde deur die verskillende groepe
herhaal en die sinne op verskillende maniere saamgestel was. Die leerder wat dus probleme
ondervind het met taal (hier word verwys na die taalsisteem, sintaksis, woordbetekenis, ens.)
kry ‘n geleentheid om dieselfde sinne op verskillende maniere te hoor. Dié leerders wat
probleme ondervind of stadige leerders is, vind gewoonlik baat met herhaling.
As die les op die tradisionele manier aangebied was, dit wil sê leerkrag in die rol van
deponeerder en leerders as ontvangers (met ander woorde die “banking concept of education”
van Freire, 1972:46) sou leerders die verskillende sinne slegs een keer gehoor het. Ons het
egter ag groepe gehad en hulle het die geleentheid gehad om die verskillende sinne op
verskillende maniere saamgestel te hoor soos hulle portuurgroepe terugrapporteer het. Dit
was baie goeie voorbereiding vir die volgende les.
Kommentaar
Die onderwyser speel ‘n belangrike rol om leerders gemaklik in die klas te laat voel.
Sodoende word die leerders se selfvertroue verbeter en dit vergemaklik die leerproses. “The
teacher plays a crucial role in creating an environment, a context for learners to express their
thoughts and feelings” (Smith, 1982; Emig, 1971). Ek het sover as moontlik probeer om vir
leerders genoeg agtergrond te verskaf sodat hulle genoeg inligting omtrent die onderwerp kon
hê. Sodoende is die skryfproses vergemaklik. Leerders moes toe hul ondervindinge en hul
verbeelding gebruik om te kan skryf.
Daardie leerder wat nooit praat nie, kry ‘n geleentheid om sy bydrae te lewer in ‘n omgewing
waar hy nie geïntimideer voel nie. Indien hulle voor die klas as ‘n geheel moet opstaan en iets
sê, voel hulle bedreig omdat hulle maats hulle mag uitlag. In die groepkonteks voel hulle
61