deurlopende formatiewe assessering in skriftelike stelwerk in graad 5

ygedra het nie. Omdat die groepe klein was, kon niemand juis lyf weg steek nie. Die groepe
was herverdeel in die daaropvolgende les toe dit duidelik geword het dat sekere leiers nie
goeie samewerking van die res van die groeplede gekry het nie.
Voorbereidende aktiwiteit
Mark Shuttleworth is die eerste Suid-Afrikaner wat ‘n ruimtereis onderneem het en daarom
het ons die gebeurtenis in ons kurrikulum ingesluit. Ons probeer om die skoolkurrikulum
relevant te maak, dit wil sê enige gebeurtenisse wat geskiedkundig of tot voordeel van
leerders is, word in die kurrikulum ingefaseer. Ons het sover as moontlik probeer om die
gebeurtenis in die kurrikulum te inkorporeer. Een van die praktiese take wat leerders moes
doen, was om ‘n model van die ruimtetuig in die leerarea Tegnologie te bou. Ons het toe
besluit om ons skriftelike stelwerktaak te baseer op ‘n beskrywing van die ruimtetuig. Een
van die modelle van die leerders se ruimtetuie is gekies, aan hulle vertoon en hulle moes dit
toe beskryf. Die leerders moes soveel woorde of frases as moontlik oor die ruimtetuig in
hulle groepe genereer. Leerders moes hulle beskrywing beperk by dit wat hulle kon sien.
Soos ek deur die klas en verby die groepe beweeg het, het ek woorde waarmee hulle gesukkel
het op die bord geskryf. Leerders moes op hierdie stadium net woorde of frase neerskryf.
Hulle was goed bekend met die agtergrond van die ruimtevlug en ruimtetuig as gevolg van
die besprekings in die verskillende leerareas. Ons het probeer om die geskiedkundige
gebeurtenis in soveel leerareas as moontlik te inkorporeer.
Leerders het die onderwerp bespreek en gereageer met woorde/frases en dit gedeel met
betrekking tot model. Soos ek tussen die groepe beweeg het, het hulle geesdriftig oor die
vorm, kleur en nut van die ruimtetuig gesels. Hulle het ook woorde en frase neergeskryf soos
hulle besprekings ontwikkel het. Die lewendige besprekings was vir my somtyds ‘n bietjie te
luidrugtig en ek het dikwels gewonder of dit betrekking gehad het op die onderwerp onder
bespreking. In gevalle waar dit nou regtig te luidrugtig geword het, het ek na hulle beweeg.
Somtyds was ek aangenaam verras om die entoesiastiese bydrae van die leerders te hoor,
selfs van diegene wat akademies nie so sterk was nie. Die rede waarom leerders miskien ook
so geesdriftig aan die besprekings deelgeneem het, kon wees omdat hulle gewoond was om in
groepe te werk. Ek onderrig dieselfde leerlinge reeds vanaf graad 4 en was bevoorreg om
saam met hulle na graad 5 te beweeg.
60