deurlopende formatiewe assessering in skriftelike stelwerk in graad 5

toenemend in verband met die kurrikulum gebruik en die standpunt is toenemend dat alle
aktiwiteite wat verband hou met die kurrikulum (doelstelling, seleksie, ordening, uittoetsing
en evaluering) deur navorsing ondersteun behoort te word. Om hierdie rede is daar in talle
lande ‘n beweging in die rigting van navorsingsondersteunde kurrikulering (Hill, 1983:255).
‘n Volgende standpunt wat wêreldwye ondersteuning geniet, is dat die praktyk by die
navorsing ingeskakel moet word. Indien laasgenoemde nie plaasvind nie, dan ontstaan daar
onsekerheid by leerkragte omdat hulle nie duidelikheid het omtrent dit wat van hulle verwag
word nie en dit lei tot onnodige spanning. Vandaar die huidige aanname dat praktykgerigte
navorsingsondersteunde kurrikulering ‘n vereiste is vir die verantwoordbare daarstelling en
evaluering van onderwysinhoud. Die implikasie hiervan is dat die onderwyser in die
klaskamer sinvol ingeskakel word by genoemde navorsing (Hill, 1983:204-1). Indien
leerkragte betrek word by die evaluering en verfyning van onderwysinhoud maak dit
implimentering soveel makliker omdat hulle deel van die proses was.
Sinvolle navorsingsdeelname vereis van die onderwyser dat hy sy/haar werk in perspektief
sien, nie slegs die soeke en voortsetting na ‘n eng paadjie wat tot hoë leerlingprestasie lei nie,
maar eerder as die soeke na waardevolle, relevante en geskikte onderwysinhoude wat formeel
gestalte kry in een van die vorms of komponente van die kurrikulum (Hill, 1983:240-241).
Die goeie prestasie van leerders sal nie agterweë gelaat word nie, maar dan het die
onderwyser daarby die dieper en meer professionele bevrediging dat dit wat hy onderrig, ‘n
sinvolle bydrae lewer tot die behoorlike volwassewording van leerlinge; sinvol in die opsig
dat die inhoude sy inskakeling by, deelname aan en begrip van die samelewing optimaliseer.
Toe ek die geleentheid in die Magister in Opvoedkunde (M Ed) kursus kry om navorsing te
doen, het ek dit aangegryp. Ek het gefokus op DFASS binne die skriftelike
stelwerkkurrikulum in my klaskamer. Dit was ‘n nuwe vorm van assessering vir leerkragte en
ek het gehoop dat klaskamergebaseerde navorsing lig sou werp op die aangeleentheid. Ek
het met my lesaanbiedinge slegs op een vorm of genre van skryf gekonsentreer. Ek wou een
aspek van die skryfproses konstant hou en dus sou die assessering daarvan ongekompliseerd
wees. Ek wou nie die leerders verwar met verskeie vorme van skryf nie. Hulle was ‘n graad 5
klas en ek was bekommerd dat die ontwikkeling wat ek graag in hulle werk sou wou sien,
belemmer sou word met té veel variasies van skryfvorme.
58