deurlopende formatiewe assessering in skriftelike stelwerk in graad 5

4.1 INLEIDING
HOOFSTUK 4
IMPLEMENTERING VAN DIE SKRYF- EN
ASSESSERINGSPROGRAM
Hierdie hoofstuk word deur die teoretiese oorwegings van Hoofstuk Twee ondersteun sowel
as die metodologiese aspekte in Hoofstuk Drie omskryf. Met die infasering van UGO, soos
reeds in Hoofstuk Een genoem, was daar baie frustrasies en spanning op leerkragte wat
vermy kon gewees het. Indien UGO sistematies ingevoer was en leerkragte toegelaat was om
die verskillende begrippe en konsepte daarvan in klaskamer na te vors, sou implimentering
met minder frustrasie plaasgevind het. Ek stem saam met Raimes (1991:23) dat leerkragte nie
net teorieë kan aanvaar nie, maar dat hulle self klaskamergebaseerde navorsing moet doen
sodat dit sinvol vir hulle kan word.
Raimes (1991:423) sê verder dat die beheer wat teorie oor onderrig gehad het, uitgedaag
word deur wat Shulman (1987:11) “the wisdom of practice” noem. Raimes (1991:423) is die
mening toegedaan dat leerkragte nie net teorieë van navorsers kan aanneem nie, maar self
navorsers moet word. Klaskamergebaseerde navorsing en aksienavorsing word al hoe meer
aanbeveel sodat leerkragte minder kan steun op teoretici en navorsers (Richards en Nunan,
1990). Hill (1983:255) stel voor dat ‘n kurrikulum vir ‘n skool, kursus of vak so moet
verloop: samestelling, implimentering, hersiening en dan hersamestelling.. UGO was
ingefaseer met baie min raadpleging van al die aandeelhouers in die opvoedingsproses. Dit
het gevolglik gelei tot die hersiening van die kurrikulum in 2000 (du Toit en Smith-Müller,
2003:26) en die hersamestelling van die “streamlined and strengthened” HNVK wat sedert
2003 ingefaseer is (WKOD 2003).
Gedurende die afgelope dekades het onderwyskundiges en opvoedkundiges vanweë
verskillende faktore en invloede besondere aandag begin skenk aan die kurrikulum. Daar is
ingesien dat die tradisionele hantering van inhoud vir die onderwys, soos vervat in sillabusse,
nie meer aanvaarbaar is nie. Die begrippe, ontwerp, ontwikkeling, innovasie en navorsing is
57